జగన్ ప్రమాణస్వీకారం వేదిక మార్పు

ఏపీ అసెంబ్లీ ఎన్నికల్లో వైకాపా ఘన విజయం ఖాయమైంది. ఆ పార్టీ 140సీట్లకిపైగా గెలుపొందేలా కనిపిస్తోంది. ఈ నేపథ్యంలో ముఖ్యమంత్రిగా జగన్ ప్రమాణాస్వీకారోత్సవానికి ఏర్పాట్లు చేసుకొంటున్నారు. ఇందుకు వేదికగా ముందుగా తిరుపతి అనుకొన్నారు. తిరుపతి తారకరామ మైదానంలో జగన్ ప్రమాణస్వీకారోత్సవం ఉంటుందని ఆ పార్టీ నేతలు తెలిపారు. ఐతే, ఇప్పుడీ వేదికని మార్చే యోచనలో ఆ పార్టీ వర్గాలు ఉన్నట్టు సమాచారమ్. దీని వెనక ఓ లాజిక్ కూడా చెబుతున్నారు.

జగన్ అధికారంలోకి వస్తే.. అమరాతిని మారుస్తాడు అనే ప్రచారాన్ని ఎన్నికల సమయంలో టీడీపీ నేతలు చేశారు. ఈ నేపథ్యంలో తిరుపతిలో ప్రమాణస్వీకారోత్సవం పెట్టుకొంటే.. తేదేపా ఆరోపణలని నిజం చేసినట్టు అవుతుందని భావిస్తున్నారు. ఈ నేపథ్యంలోనే అమరావతిలోనే జగన్ ప్రమాణస్వీకారం చేసేలా ఆలోచనలు చేస్తున్నట్టు సమాచారమ్. దీనిపై ఒకట్రెండు రోజుల్లో క్లారిటీ రానుంది.