‘సాహో’ సప్రైజ్ పోస్టర్.. లైకుల రికార్డు !
ఇప్పుడు బాక్సాఫీస్ రికార్డులతో పాటు.. సోషల్ మీడియా రికార్డులని ప్రతిష్టాత్మకంగా తీసుకొంటున్నారు అభిమానులు. ఈ నేపథ్యంలోనే ‘సాహో’ సప్రైజ్ పోస్టర్ టాలీవుడ్ రికార్డ్ సృష్టించిందని ప్రభాస్ అభిమానులు చెప్పుకొంటున్నారు. సాహో పోస్టర్ విడుదలైన 24 గంటల్లోనే 8లక్షల లైక్స్ వచ్చాయట. ఇప్పటివరకూ తెలుగు సినీ చరిత్రలో ఏ పోస్టర్ కూ 24 గంటల్లో ఇన్ని లైక్స్ రాలేదని, ఇది ప్రభాస్ కే దక్కిన ఘనత అని అభిమానులు చెప్పుకుంటున్నారు. మరీ పోస్టర్ దగ్గర రికార్డులేంటి అంటే.. ప్రతిదీ కౌంటే ఇక్కడ అంటున్నారు.
ఈ చిత్రానికి సుజీత్ దర్శకత్వం వహిస్తున్నారు. బాలీవుడ్ బ్యూటీ శ్రద్దా కపూర్ హీరోయిన్ గా నటిస్తున్నారు. ఈ యాక్షన్ థ్రిల్లర్ ని దాదాపు 200కోట్ల బడ్జెట్ తో యూవీ క్రియేషన్స్ నిర్మిస్తోంది. తెలుగు, తమిళ్, మలయాళం, హిందీ బాషాల్లో సాహో ప్రేక్షకుల ముందుకు రానుంది. సాహో సప్రైజ్ పోస్టర్ లో సినిమాని ఆగస్టు 15న విడుదల చేయబోతున్నట్టు అధికారికంగా ప్రకటించారు.
