ప్రేమకథల స్పెషలిస్టుతో.. విజయ్ సినిమా !

హను రాఘవపూడి.. ప్రేమకథల స్పెషలిస్టు. ‘అందాల రాక్షసి’, ‘కృష్ణగాడి వీర ప్రేమగాధ’, ‘పడి పడి లేచె మనసు’ చిత్రాలతో ఆకట్టుకున్నాడు హను. తాజాగా హను రాఘవపూడి కూడా విజయ్‌ దేవరకొండ కోసం ఓ కథ రాస్తున్నట్టు సమాచారమ్. ఇది కూడా ప్రేమకథనే అని తెలుస్తోంది. ఈ చిత్రాన్ని వైజయంతీ మూవీస్‌ సంస్థ నిర్మించే అవకాశాలున్నాయని తెలుస్తోంది.

‘డియర్ కామ్రేడ్’ని పూర్తి చేసిన విజయ్ దేవరకొండ క్రాంతి మాధవన్ దర్శకత్వంలో ఓ సినిమా చేస్తున్నారు. ఈ చిత్రానికి ‘బ్రేకప్’ అనే టైటిల్ ప్రచారంలో ఉంది. ఇందులో విజయ్ ఇద్దరు ముగ్గురు హీరోయిన్స్ తో ప్రేమాయణం నడుపుతారట. వారితో బ్రేకప్ సోరీయే సినిమా అని చెబుతున్నారు. ఈ సినిమా సెట్స్ మీదుండగానే ‘హీరో’ సినిమాని సెట్స్ మీదకు తీసుకెళ్లాడు విజయ్. ఈ చిత్రానికి కొత్త దర్శకుడు ఆనంద్ అన్నాములై దర్శకత్వం వస్తున్నారు. ఇందులో విజయ్ బైక్ రేసర్ గా కనిపిస్తారు. ప్రస్తుతం ఈ సినిమా తొలి షెడ్యూల్ ఢిల్లీ లో జరుగుతోంది.