ధోనీ రిటైర్మెంట్ పై షేన్‌వార్న్‌ కామెంట్స్
ప్రపంచ కప్ పూర్తవ్వగానే టీమిండియా మాజీ సారథి ఎంఎస్‌ ధోనీ రిటైర్మెంట్ ప్రకటించేస్తాడనే ప్రచారం జరుగుతోన్న సంగతి తెలిసిందే. ఈ ప్రచారంపై ఆస్ట్రేలియా లెజెండ్‌ షేన్‌వార్న్‌ ఘాటు పంచ్‌లిచ్చాడు.’ఇండియన్‌ క్రికెట్‌కు ధోనీ ఎన్నో సేవలందించాడు. ఒక ఆటగాడిగా ఏంచేయాలో అన్నీ చేశాడు. కానీ ప్రపంచ కప్ తర్వాత ధోనీ క్రికెట్‌కు స్వస్తి చెప్పేస్తాడని అంటుండటం నాకు నమ్మశక్యంగా లేదు. రిటైర్మెంట్ అనేది అంత సరదా విషయం కాదు. ధోనీకి అన్నీ తెలుసు. తనకు ఎప్పుడు నచ్చితే అప్పుడే రిటైరవుతాడు’ అన్నారు
మరో మూడు (మే30) రోజుల్లో ప్రపంచక కప్ ప్రారంభం కానుంది. ఈ మెగా టోర్నీలో ధోనీ కీలక ఆటగాడు కానున్నాడు. వికెట్‌ కీపర్‌గానూ, బ్యాట్స్‌మెన్‌గానూ ఆయనకున్న అపార అనుభవం జట్టుకు ఎంతో అవసరమని భారత జట్టు సీనియర్లు, మాజీలు అభిప్రాయపడుతున్నారు. ప్రస్తుతం ధోని కూడా మంచి ఫామ్ లో ఉన్నాడు. ఇటీవల జరిగిన ఐపీఎల్ లో అద్భుతం ఇన్నింగ్స్ ఆడాడు.
