జగన్ కి నో చెప్పిన స్టార్ హీరో

కాబోయే ఏపీ సీఎం జగన్ కు స్టార్ హీరో నో చెప్పడం ఇండస్ట్రీలో హాట్ టాపిక్ గా మారింది. దివంగత నేత వైఎస్‌ రాజశేఖర్‌ రెడ్డి జీవితాధారంగా తెరకెక్కించిన చిత్రం ‘యాత్ర’. మహి వి రాఘవ దర్శకుడు. ఈ సినిమాలో వైఎస్సార్‌ పాత్రలో మలయాళ సూపర్‌స్టార్‌ మమ్ముట్టి నటించారు. ఫిబ్రవరిలో విడుదలైన ఈ సినిమా బాక్సాఫీస్‌ వద్ద మంచి విజయం అందుకుంది.

ఏపీ అసెంబ్లీ ఎన్నికల్లో వైకాపా ఘన విజయం నేపథ్యంలో ‘యాత్ర2’పై ప్రకటన చేశారు దర్శకుడు రాఘవ. జగన్ కథ చెప్పనిదే యాత్ర పూర్తికాదని ట్విట్ చేశారు. మరోవైపు, యాత్ర2 కోసం తమిళ్ స్టార్ సూర్య పేరు తెరపైకి వచ్చింది. జగన్ పాత్రలో సూర్య అయితే బాగుంటుందని చెప్పుకొంటున్నారు. ‘ఎన్ జీకే’ సినిమా ప్రచారం కోసం హైదారాబాద్ వచ్చిన సూర్య ‘యాత్ర2’ సినిమాపై స్పందించారు. తాను జగన్ పాత్రను చేయడంలేదు. యాత్ర2లో నటించడం లేదని క్లారిటీ ఇచ్చారు.

ఇది జగన్ అభిమానులని నిరాశకు గురిచేస్తోంది. జగన్-సూర్య మంచి మిత్రులు. సూర్య జగన్ అన్న అని పిలుస్తుంటారు. మంగళవారం హైదరాబాద్ లో జరిగిన ఎన్ జీకే సినిమా ప్రీ రిలీజ్ వేడుకలోనూ జగన్ విజయంపై సూర్య స్పందించారు. జగన్ అన్నకు ఆల్ ది బెస్ట్ అని తెలిపారు.