జగన్ అన్నకు ఆల్ ది బెస్ట్ : సూర్య

కాబోయే ఏపీ సీఎం వైఎస్ జగన్ కు తమిళ్ స్టార్ సూర్య ఆల్ ది బెస్ట్ చెప్పారు. సూర్య తాజా చిత్రం ‘ఎన్ జీకే’. ఈ చిత్రానికి సెల్వరాఘవన్ దర్శకత్వం వహించారు. సాయి పల్లవి, రకుల్ ప్రీత్ సింగ్ కథానాయికలు. ఈ వారమే (మే31) ఎన్ జీకే ప్రేక్షకుల ముందుకు రానుంది. ఈ నేపథ్యంలో మంగళవారం హైదరాబాద్ లో ఎన్ జీకే ప్రీరిలీజ్ వేడుకని ఘనంగా నిర్వహించారు.

ఈ సందర్భంగా మాట్లాడిన సూర్య.. తెలుగు రాష్ట్ర రాజకీయాలపై స్పందించారు. తెలంగాణ ముఖ్యమంత్రి కేసీఆర్, కాబోయే ఏపీ ముఖ్యమంత్రి వైఎస్ జగన్ గురించి స్పందించారు. తన మిత్రుడు జగన్. జగన్ అన్న అని పిలుస్తుంటా.. యంగ్ సీఎం జగన్ అన్నకు ఆల్ ది బెస్ట్ అన్నారు. అదే సమయంలో రాజకీయాల పరంగా ప్రజలకి కొన్ని సూచనలు చేశారు సూర్య. పార్టీల మేనిఫెస్టోల గురించి దేశంలో కేవలం 2.5శాతం మందికే తెలుసు. వాటిని గురించి అందరు తెలుసుకోవాలి. అప్పుడే.. సరైన వారిని ఎన్నుకోగలం అన్నారు.