ప్రపంచకప్ : దక్షిణాఫ్రికా టార్గెట్ 312పరుగులు
ప్రపంచకప్ తొలి మ్యాచ్‌లో ఆతిథ్య ఇంగ్లాండ్ అదరగొట్టింది. దక్షిణాఫ్రికా ముందు 312 పరుగుల భారీ లక్ష్యం ఉంచింది. టాస్ ఓడి మొదటి బ్యాటింగ్ చేసిన ఇంగ్లాండ్.. బెన్‌స్టోక్స్‌ (89; 79 బంతుల్లో 9×4), జేసన్‌ రాయ్‌ (54; 53 బంతుల్లో 8×4), జో రూట్‌ (51; 59 బంతుల్లో 5×4), ఇయాన్‌ మోర్గాన్‌ (57; 60 బంతుల్లో 4×4, 3×6) రాణించడంతో.8 వికెట్ల నష్టపోయి 311 పరుగులు చేసింది. సఫారీ జట్టులో లుంగి ఎంగిడి 3, ఇమ్రాన్‌ తాహిర్‌, రబాడ చెరో రెండు వికెట్లు పడగొట్టారు.
ఓపెనర్‌ జేసన్‌ రాయ్‌, వన్‌డౌన్‌లో వచ్చిన జో రూట్‌ రెండో వికెట్‌కు 106 పరుగుల భాగస్వామ్యం నెలకొల్పారు. మోర్గాన్‌+స్టోక్స్‌ జంట 4వ వికెట్‌కు 106 పరుగుల భాగస్వామ్యం అందించారు. బలమైన బ్యాటింగ్ లైనప్ కలిగిన దక్షిణాఫ్రికా 312 పరుగుల లక్ష్యాన్ని చేధిస్తుందేమో చూడాలి.
