ఇంగ్లాండుదే.. తొలి గెలుపు !

ప్రపంచకప్ లో ఇంగ్లాండ్ బోణీ చేసింది. దక్షిణాఫ్రికాతో జరిగిన తొలి మ్యాచ్ లో ఘన విజయం సాధించింది. టాస్ ఓడి మొదటి బ్యాటింగ్ చేసిన ఇంగ్లాండ్.. బెన్‌స్టోక్స్‌ (89; 79 బంతుల్లో 9×4), జేసన్‌ రాయ్‌ (54; 53 బంతుల్లో 8×4), జో రూట్‌ (51; 59 బంతుల్లో 5×4), ఇయాన్‌ మోర్గాన్‌ (57; 60 బంతుల్లో 4×4, 3×6) రాణించడంతో.8 వికెట్ల నష్టపోయి 311 పరుగులు చేసింది. సఫారీ జట్టులో లుంగి ఎంగిడి 3, ఇమ్రాన్‌ తాహిర్‌, రబాడ చెరో రెండు వికెట్లు పడగొట్టారు.

312 పరుగుల భారీ లక్ష్య ఛేదనకు దిగిన సఫారీలను 39.5 ఓవర్లకు 207 పరుగులకే కుప్పకూల్చింది. క్వింటన్‌ డికాక్‌ (68; 74 బంతుల్లో 6×4, 2×6), రసీ వాన్‌డెర్‌ డసెన్‌ (50; 61 బంతుల్లో 4×4) మినహా మరెవ్వరూ రాణించలేదు. జోఫ్రా ఆర్చర్‌ 3 వికెట్లతో అదరగొట్టాడు. లియామ్‌ ప్లంకెట్‌, బెన్‌స్టోక్స్‌ చెరో రెండు వికెట్లు తీశారు.