నరేంద్ర దామోదర్‌ దాస్‌ ‘మోడీ అనే నేను.. ‘
దేశ రాజధాని ఢిల్లీలో ప్రధాని నరేంద్రమోడీ ప్రమాణస్వీకార కార్యక్రమం ఘనంగా జరుగుతోంది. ఇందుకోసం రాష్ట్రపతి భవన్‌ ప్రాంగంణంలో భారీ ఏర్పాట్లు చేశారు. కొద్దిసేపటి క్రితమే నరేంద్ర మోడీ ప్రధానిగా ప్రమాణస్వీకారం చేశారు. ఆయన చేత రాష్ట్రపతి రామ్‌నాథ్‌ కోవింద్‌ ప్రమాణస్వీకారం చేయించారు. అంతఃకరణ శుద్ధితో దైవసాక్షిగా మోదీ ప్రమాణం చేశారు.
ప్రధాని ప్రమాణస్వీకారం తర్వాత మంత్రులు ప్రమాణస్వీకారం చేస్తున్నారు. కేంద్రమంత్రులుగా రాజ్ నాథ్ సింగ్, నిర్మలా సీతారామన్, కిషన్ రెడ్డి, అమిత్ షా.. తదితరులు ప్రమాణ స్వీకారం చేశారు. మిగిలిన మంత్రులు ప్రమాణస్వీకారం చేస్తున్నారు. తెలంగాణ నుంచి కిషన్ రెడ్డికి కేంద్రమంత్రి పదవికి దక్కడం తెలుగువారు గర్వించదగ్గ విషయం.
మోడీ ప్రమాణస్వీకార కార్యక్రమానికి బిమ్‌స్టెక్‌ దేశాల ప్రతినిధులు, శ్రీలంక అధ్యక్షుడు మైత్రిపాల సిరిసేన, మయన్మార్ అధ్యక్షుడు యూ విన్ మైంట్, నేపాల్ ప్రధాని కేపీ శర్మ ఓలి, బంగ్లాదేశ్ అధ్యక్షుడు అబ్దుల్ హమీద్, ఉపరాష్ర్టపతి వెంకయ్యనాయుడు దంపతులు, బీజేపీ అగ్ర నాయకులు ఎల్‌కే అద్వానీ, మురళీ మనోహర్ జోషి, మాజీ ప్రధాని మన్మోహన్‌ సింగ్, కాంగ్రెస్‌ పార్టీ అధ్యక్షుడు రాహుల్ గాంధీ, యూపీఏ చైర్‌పర్సన్‌ సోనియాగాంధీ, శివసేన చీఫ్‌ ఉద్ధవ్‌ థాకరే తదితరులు హాజరయ్యారు
