దెయ్యాలకు ప్రచారం అవసరం లేదా.. ?
ఒక దెయ్యం బాగానే భయపెట్టింది. విజయ్‌ దర్శకత్వంలో ప్రభుదేవా, తమన్నా జంటగా నటించిన చిత్రం ‘దేవి’. తెలుగులో ‘అభినేత్రి’గా విడుదలైంది. 2016లో విడుదలైన ఈ సినిమా మంచి విజయాన్ని సొంతం చేసుకుంది. ప్రస్తుతం ఈ చిత్రానికి రెండో భాగం ‘దేవి 2’ తెరకెక్కిన విషయం తెలిసిందే. సీక్వెల్ లో రెండు దెయ్యాలని తీసుకొస్తున్నారు. ఇందులో ప్రభుదేవా కూడా దెయ్యంగా నటించారని, మొత్తానికి రెండు దెయ్యాల పాత్రలతో సినిమాను రూపొందించారని ట్రైలర్ తో అర్థమైంది.
ఈ వారమే (మే31) అభినేత్రి2 ప్రేక్షకుల ముందుకు రానుంది. ఐతే, ఈ సినిమాకు ప్రచారం చేయలేదు. ఆడియో, ట్రైలర్ విడుదల, ప్రెస్‌మీట్‌ వంటి ప్రమోషన్‌ పనులు కూడా నిర్వహించలేదు. బహుశా.. దెయ్యాలకి ప్రచారం అవసరం లేదని అనుకొంటున్నారేమో.. ! అసలే ఈ వారం బాక్సాఫీస్ వద్ద ఐదు సినిమాలు సందడి చేయబోతున్నాయి. సూర్య ‘ఎన్జీకే’, ‘ఫలక్‌నుమా దాస్’, ‘అభినేత్రి 2’ . ‘సువర్ణసుందరి’, ‘గాడ్జిల్లా’ సినిమాలు బాక్సాఫీస్ కు క్యూ కట్టబోతున్నాయి. ఇంతటీ పోటీ పెట్టుకొని దెయ్యాలని ప్రమోట్ చేయకపోవడమేంటో.. !!
