సౌత్ ఆఫ్రికా : 63/2 (12ఓవర్లు)
312పరుగుల విజయలక్ష్యంతో బరిలోకి దిగిన సౌత్ ఆఫ్రికా కష్టాల్లో పడింది. 44 పరుగులకే రెండు వికెట్లు కోల్పోయింది. ఇంగ్లండ్ బౌలర్ జోఫ్రా ఆర్చర్ వేసిన 4వ ఓవర్ 5వ బంతి సౌతాఫ్రికా బ్యాట్స్‌మన్ హషీం ఆమ్లా హెల్మెట్‌కు తగిలింది. దీంతో గాయపడ్డ ఆమ్లా రిటైర్డ్ హర్ట్‌గా వెనుదిరిగాడు. ఆయన స్థానంలో బ్యాటింగ్ వచ్చిన మార్కమ్ 6 పరుగులు మాత్రమే చేసి అవుటయ్యారు. ఆ తర్వాత కొద్దిసేపటికే డుప్లెసిస్ అవుటయ్యారు.
అంతకుముందు బెన్‌స్టోక్స్‌ (89; 79 బంతుల్లో 9×4), జేసన్‌ రాయ్‌ (54; 53 బంతుల్లో 8×4), జో రూట్‌ (51; 59 బంతుల్లో 5×4), ఇయాన్‌ మోర్గాన్‌ (57; 60 బంతుల్లో 4×4, 3×6) రాణించడంతో.8 వికెట్ల నష్టపోయి 311 పరుగులు చేసింది. సఫారీ జట్టులో లుంగి ఎంగిడి 3, ఇమ్రాన్‌ తాహిర్‌, రబాడ చెరో రెండు వికెట్లు పడగొట్టారు. ప్రస్తుతం క్రీజులో డికాక్ 37, డుసేన్ 6 పరుగులతో ఉన్నారు.
