యంగ్ హీరోయిన్ ప్రేమలో వెంకీ ?
విక్టరీ వెంకటేష్ ఈ వయసులోనూ యంగ్ హీరోయిన్ పై మనసుపారేసుకొన్నారని సమాచారమ్. ఐతే, ఇది రీల్ లైఫ్ లో. ఇటీవల ప్రేక్షకుల ముందుకొచ్చిన బాలీవుడ్ చిత్రం ‘దే దే ప్యార్ దే’ మంచి విజయాన్ని నమోదు చేసింది. ఇందులో అజయ్ దేవగణ్, టబు, రకుల్ ప్రీత్ సింగ్ ప్రధాన పాత్రలో నటించారు. ఇందులో అజయ్ దేవగణ్ భార్య (టబు)ను వదిలేసి యంగ్ లేడీ (రకుల్) ప్రేమలో పడ్డ మిడిల్ ఏజ్ మెన్ గా నటించారు. ఇప్పుడీ ఈ సినిమా తెలుగు రిమేక్ లో వెంకీ నటించబోతున్నట్టు ప్రచారం జరుగుతోంది.
ఇప్పటికే సురేష్ బాబు ‘దే దే ప్యార్ దే’ చిత్ర నిర్మాతలతో మాట్లాడినట్టు తెలుస్తోంది. ప్రస్తుతం చర్చలు జరుగుతున్నాయి. అవి ఓ కొలిక్కి వచ్చాక దే దే ప్యార్ దే తెలుగు రిమేక్ పై ప్రకటన రావొచ్చని చెబుతున్నారు. తెలుగులోనూ రకుల్ ప్రీత్ సింగ్ ని కొనసాగించే అవకాశాలు ఉన్నాయి. ఇక టబు స్థానంలో రమ్యకృష్ణ లేదంటే మీనా లాంటి సీనియర్ హీరోయిన్స్ ని తీసుకొనే ఛాన్స్ ఉందని చెబుతున్నారు. కావాల్సిన కామెడీ పండించే కథ కావాడంతో ఈ ఫ్యామిలీ ఎంటర్ టైనర్ పై వెంకీ మనసుపారేసుకొన్నట్టు తెలుస్తోంది.
