జగన్’ని ఇరుకున పెట్టిన కన్నా

ఏపీ సీఎం వైఎస్ జగన్ లక్ష్యం ఒక్కటే. ఏపీకి ప్రత్యేక హోదా తీసుకురావడం. అది సాధిస్తే చాలు జగన్ దేవుడవుతాడు. కానీ, అది అంత ఈజీ కాదు. కేంద్రంలో బీజేపీకి సింగిల్ గా ప్రభుత్వాన్ని నడిపించే బలం ఉంది. అయినా.. ప్రత్యేక హోదాపై పట్టువదిలేదని సీఎం జగన్ చెబుతున్నారు. ఇలాంటి సమయంలో ఏపీ భాజాపా అధ్యక్షుడు కన్నా లక్ష్మీనారాయణ తెగొట్టేశాడు. ఆంధ్రప్రదేశ్‌కు ప్రత్యేక హోదా గురించి ఎవరు మాట్లాడినా ప్రయోజనం ఉండదన్నాడు. ఆదివారం ప్రధాని తిరుపతి టూర్ నేపథ్యంలో శుక్రవారం కన్నా మీడియాతో మాట్లాడారు. ఏపీకి ప్రత్యేక హోదా ముగిసిన అధ్యాయం, రాష్ట్ర అభివృద్ధికి కేంద్రం కట్టుబడి ఉందన్నారు.

ప్రధాని నరేంద్ర మోదీ తిరుపతి పర్యటన షెడ్యూల్ ని వివరించారు కన్నా. ఈ నెల 9న సాయంత్రం 4.30గంటలకు తిరుపతి చేరుకోనున్న మోదీ.. సాయంత్రం 5.10 గంటల వరకు కార్యకర్తల సమావేశంలో పాల్గొంటారని చెప్పారు. అనంతరం తిరుమల పద్మావతి వసతిగృహానికి చేరుకొని కాసేపు విశ్రాంతి తీసుకుంరు. సాయంత్రం 6.10 గంటల నుంచి రాత్రి 7.15 గంటల వరకు శ్రీవారి సేవలో పాల్గొంటారు. ఆ తర్వాత రాత్రి 8గంటలకు తిరిగి ఢిల్లీకి పయనమవుతారని కన్నా వివరించారు.