సమంత కోరిక తీరింది

సమంత ప్రధాన పాత్రలో నటిస్తున్న చిత్రం ‘ఓ బేబీ’. నందినీరెడ్డి దర్శకురాలు. లక్ష్మీ, రాజేంద్రప్రసాద్‌, నాగశౌర్య తదితరులు కీలకపాత్రలు పోషిస్తున్నారు. ఈ సినిమా జులై 5న ప్రేక్షకుల ముందుకు రానుంది. ఈ సందర్భంగా గురువారం హైదరాబాద్‌లో ఏర్పాటు చేసిన విలేకరుల సమావేశంలో సమంత మాట్లాడారు.

“నేను సినిమాల నుంచి వెళ్లిపోయేలోపు పూర్తి స్థాయి హాస్యపూరిత చిత్రం చేయాలని కోరిక ఉండేది. ‘ఓ బేబీ’ ద్వారా ఆ కోరిక తీరింది. కొద్ది రోజుల కిందట నేను ఒక నిర్ణయం తీసుకున్నా. చేస్తే మంచి సినిమాలు చేయాలి, లేకపోతే ఇంట్లో కూర్చోవాలనుకున్నా. ఇలాంటి నిర్ణయం తీసుకున్న తర్వాత వచ్చిన సినిమాలు ‘రంగస్థలం’, ‘మహానటి’, ‘సూపర్‌డీలక్స్‌’, ‘మజిలీ’. ఆ నిర్ణయం వల్ల నేను ఎంపిక చేసుకునే పాత్రల పట్ల స్పష్టంగా ఉన్నా”నన్నారు