ట్రైలర్ టాక్ : ‘ఏజెంట్ సాయి శ్రీనివాస ఆత్రేయ’.. చంటబ్బాయ్ టైపు !
నవీన్ పోలిశెట్టి, శృతి శర్మ జంటగా నటించిన చిత్రం “ఏజెంట్ సాయి శ్రీనివాస ఆత్రేయ”. ఈ చిత్రానికి స్వరూప్ దర్శకత్వం వహించారు. లేటెస్ట్ గా స్వధర్మ్ ఎంటర్ టైన్ మెంట్ నిర్మించింది. జూన్ 21న ప్రేక్షకుల ముందుకు రానుంది.
శుక్రవారం ఈ సినిమా ట్రైలర్ ని విడుదల చేశారు. పెద్ద డిటెక్టివ్ అనుకుంటూ, ఎప్పటికైనా బ్రేక్ రాకపోతుందా అనుకునే ఔత్సాహిక, అత్యత్సాహ కుర్రాడికి సడెన్ గా ఓ గట్టి కేస్ తగడలం అన్నది సినిమా లైన్ అని ట్రైలర్ తో అర్థమవుతోంది. ఇటీవల చాలాచోట్ల జరుగుతున్న, వింటున్న, అఘాయిత్యాలను బేస్ చేసుకుని ఈ కథని రెడీ చేశారు. సీరియస్ వ్యవహారాలు.. అక్కడక్కడ ఫన్ తో ట్రైలర్ ని ఆకట్టుకొనేలా కట్ చేశారు. సినిమా మొత్తం కూడా ఈ మూడులోనే ఉంటే హిట్ దక్కినట్టే.
“ఏజెంట్ సాయి శ్రీనివాస ఆత్రేయ” ట్రైలర్ బాగుందంటూ హీరోలు విజయ్ దేవరకొండ, నాని కితాబిచ్చారు. మరికొందరు ‘ఏజెంట్ సాయి శ్రీనివాస ఆత్రేయ’ మెగాస్టార్ చిరంజీవి నటించిన చంటబ్బాయి టైపులో ఉన్నాడని గుర్తు చేస్తున్నారు. ఇక, ట్రైలర్ నవీన్ పోలిశెట్టి నాగ్ ని ఫాలో అయినట్టు కనబడింది. ఆయిన వాయిస్ ని అనుకరించాడు. అదీ ఫన్నీగా అనిపించింది.
