కారు ప్రమాదంలో హీరో వరుణ్ తేజ్.. సేఫ్ !
మెగా యంగ్ హీరో వరుణ్ తేజ్ ప్రయాణిస్తున్న కారు ప్రమాదానికి గురైంది. షూటింగ్ నిమిత్తం హైదరాబాద్ నుంచి బెంగళూరు వెళ్తుండగా.. వనపర్తి జిల్లా కొత్తకోట మండలం రాయినిపేట వద్ద జాతీయ రహదారిపై ఈ ప్రమాదం జరిగింది. వరుణ్ తేజ్ కారును మరో కారు ఢీకొట్టింది. ఈ ప్రమాదం నుంచి వరుణ్ తేజ్ క్షేమంగా బయటపడ్డారు. ఆయనతో పాటు ఉన్న నటులకి ఏమీ కాలేదు.
ఈ ప్రమాదంలో రెండు కార్లూ నుజ్జునుజ్జయ్యాయి. దీంతో వరుణ్ తేజ్, ఇంకొందరు నటులు మరో వాహనంలో బెంగళూరుకు బయల్దేరి వెళ్లారు. ఈ ప్రమాదంపై వరుణ్ తేజ్ ట్విట్టర్ వేదికగా స్పందించారు. ‘ప్రమాదం నుంచి తామంతా క్షేమంగా బయటపడ్డాం, ఎవరికీ గాయాలు కాలేదు’ అని వరుణ్ ట్విట్ చేశారు. వరుణ్ అండ్ బ్యాచ్ బెంగళూరు వెళ్తున్నది ‘వాల్మీకి’ సినిమా షూటింగ్ కోసమని తెలిసింది. 
Got into a car accident and thankfully everybody is safe and sound.
No injuries whatsoever.
Thanks for the concern and your love!🙏🏽— Varun Tej Konidela (@IAmVarunTej) June 12, 2019
