తమిళ్ ‘పింక్’ ట్రైలర్ టాక్
దివంగత నటి శ్రీదేవి కోరిక మేరకు ఆమె భర్త బోనీ కపూర్ బాలీవుడ్‌ హిట్‌ ‘పింక్’ను తమిళంలో ‘నేర్కొండపార్వాయ్‌’ టైటిల్‌తో రీమేక్‌ చేస్తున్న సంగతి తెలిసిందే. ఇందులో అమితాబ్ బచ్చన్‌ పాత్రలో అజిత్ నటిస్తున్నారు. వినోద్‌ దర్శకుడు. విద్యా బాలన్‌ కీలక పాత్ర పోషిస్తున్నారు. శ్రద్ధ శ్రీనాథ్‌, అభిరామి వెంకటాచలమ్‌, ఆండ్రియా, అధిక్‌ రవిచంద్రన్‌, అర్జున్‌ చిదంబరం, అశ్విన్‌ రావు, సుజిత్‌ శంకర్‌ ప్రధాన పాత్రల్లో నటిస్తున్నారు.
తాజాగా ఈ సినిమా ట్రైలర్‌ను విడుదల చేశారు. అజిత్ న్యాయవాది పాత్రలో ఒదిగిపోయారు. ఆయన లుక్, డైలాగ్‌ డెలివరీ అభిమానుల్ని ఆకట్టుకుంది. ఒకట్రెండు బిట్ సీన్స్ లో అజిత్ లో అమితాబ్ కనిపించారు. ఓ కేసును విచారించే నేపథ్యంలో సాగే కథ ఇది. ట్రైలర్ లోనూ దాదాపు అన్ని సన్నివేశాలు కోర్టులోనే జరిగాయి. ట్రైలర్ తో తమిళ పింక్ పై అంచనాలు పెరిగిపోవడం ఖాయం.
