‘విరాటపర్వం’ మొదలైంది !
హీరో రానా దగ్గుబాటి కొత్త చిత్రం ‘విరాటపర్వం’ మొదలైంది. ఈ చిత్రానికి వేణు ఉడుగుల దర్శకత్వం వహించనున్నారు. రానాకి జంటగా సాయిపల్లవి నటించనున్నారు. శనివారం ఉదయం ఈ సినిమా ప్రారంభోత్సవం ఘనంగా జరిగింది. విక్టరీ వెంకటేష్ క్లాప్ నివ్వగా.. గొట్టిపాటి రవి కెమెరా స్వీచాన్ చేశారు. ఐతే, ఈ కార్యక్రమానికి రానా, సాయిపల్లవి ఇద్దరు హాజరుకాలేదు.
రానా-సాయిపల్లవి జతకట్టడం ఇదే తొలిసారి. వీరిద్దరి జోడీ తెరపై ఎలా ఉండబోతుందనేది ఆసక్తిగా మారింది. ఇక, ‘విరాటపర్వం’ టైటిల్ మాదిరిగానే సినిమా విభిన్నంగా ఉండబోతుందని చెబుతున్నారు. సినిమాని జెడ్ స్వీడుతో పూర్తి చేసి.. ఈ యేడాది ఆఖరులో విడుదల చేయబోతున్నట్టు తెలుస్తోంది. ఈ చిత్రాన్ని సురేష్ ప్రొడక్షన్స్ నిర్మిస్తోంది.
