పాక్’తో మ్యాచ్.. విజయ్ శంకర్, షమీ ఇద్దరూ.. ఉన్నారు !

ప్రపంచకప్‌లో భారత్‌-పాకిస్థాన్‌ మ్యాచ్‌ గురించి ఇరు దేశాల అభిమానులే కాకుండా యావత్‌ ప్రపంచమంతా ఎంతో ఆసక్తిగా ఎదురుచూస్తోంది. ఐతే, ఈ మ్యాచ్ కోసం కోహ్లీ సేన ఎలా రెడీ అవుతోంది. ఆడబోయే పదకొండు మంది ఆటగాళ్ల లిస్టులో ఎవరెవరు ఉండబోతున్నారన్నది ఆసక్తిగా మారింది. రోహిత్ శర్మతో కలిసి కెఎల్ రాహుల్ ఓపెనింగ్ చేయబోతున్నాడు. ఇక, నెం.4 కోసం దినేష్ కార్తీక్, విజయ్ శంకర్ లలో ఒకరిని తీసుకోవాలి. ఐతే విజయ్ శంకర్ ని తీసుకోవడం దాదాపు ఖాయమైనట్టు తెలుస్తోంది.

విజయ్ శంకర్ ని తీసుకొంటే బౌలింగ్ లోనూ పనికొస్తాడు. బ్యాటింగ్ లోనూ నెం.4 స్థానంలో పంపొచ్చు. ఇక, ఇద్దరు స్పిన్నర్లలో కులదీప్ యాదవ్ ని పక్కనబెట్టి ఫాస్ట్ బౌలర్ షమీని తీసుకోనున్నారు. ఎందుకంటే ? పాక్ ఆటగాళ్లు స్పిన్ ని బాగా ఆడతారు. ఇదీగాక, చహాల్ కి సహకరించేందుకు కేదార్ జాదవ్ ఉన్నాడు. ఓ ఐదారు ఓవర్లు వేయగలడు. వికెట్ టేకర్ కూడా. షమీని తీసుకొంటే.. బుమ్రా, భువి, హార్థిక్ ప్యాండ్యా, విజయ్ శంకర్ లతో బౌలింగ్ విభాగం మరింత బలంగా మారనుందని భావిస్తున్నట్టు తెలిసింది.

Mohammed Shami is likely to play his 1st match of World Cup 2019 on Sunday
Vijay Shankar frontrunner to bat at No. 4 vs Pakistan
India take on Pakistan in Manchester on Sunday amid rain threat