మిస్‌ ఇండియా రన్నరప్‌గా తెలంగాణ అమ్మాయి
మిస్‌ ఇండియా వరల్డ్‌-2019 కిరీటాన్ని రాజస్థాన్‌ అందగత్తె సుమన్‌రావు దక్కించుకున్నారు. తెలంగాణకు చెందిన సంజనా విజ్‌ మిస్‌ ఇండియా రన్నరప్‌-2019గా నిలిచారు. శనివారం ముంబయిలో సర్దార్‌ వల్లబ్‌భాయ్‌ పటేల్‌ ఇండోర్‌ స్టేడియంలో ఈ కార్యక్రమం జరిగింది.
“ఇప్పటికీ నమ్మలేకపోతున్నాను. నాలాంటి యువతులు తమ కలల వెంట పరుగులు పెట్టడానికి భయపడాల్సిన పనిలేదు. నా కుటుంబం, స్నేహితులతో ఎప్పుడెప్పుడు సంతోషం పంచుకుందామా అని మనసు ఉవ్విళ్లూరుతోంది’’ అని కిరీటాన్ని దక్కించుకున్న అనంతరం సుమన్‌రావు ఓ ప్రకటనలో పేర్కొన్నారు.
