89పరుగుల తేడాతో పాక్ పై భారత్ గెలుపు
ప్రపంచకప్‌లో దాయాది పాకిస్థాన్‌పై భారత్‌కు తిరుగులేని రికార్డు ఉంది. ఇప్పటికే 6 సార్లు ఓడించింది. ఆ రికార్డుని కొనసాగిస్తూ.. ఏదోసారి కూడా గెలిచేసింది. ఆదివారం జరిగిన మ్యాచ్ లో పాక్ పై భారత్ 89పరుగుల తేడాతో గెలుపొందింది. టాస్ ఓడి మొదటి బ్యాటింగ్ చేసిన భారత్ నిర్ణీత 50 ఓవర్లలో 5 వికెట్లు కోల్పోయి 336 పరుగులు చేసింది. రోహిత్ శర్మ(140; 113బంతుల్లో 14×4, 3×6) శతకంతో, కోహ్లీ (77; 65 బంతుల్లో 7×4), కేఎల్‌ రాహుల్‌ (57; 78 బంతుల్లో 304, 2×6) రాణించారు.
336 పరుగుల భారీ లక్ష్యంతో బరిలోకి దిగిన పాక్ 35 ఓవర్లకు 166/6తో నిలిచింది. ఆ సమయంలో వర్షం కురిసింది. దీంతో 40ఓవర్లకు కుదించారు. దీంతో పాకిస్థాన్ విజయానికి 5 ఓవర్లలో 136 పరుగులు చేయాల్సి వచ్చింది. అయితే 40 ఓవర్లు పూర్తయ్యే సరికి పాకిస్థాన్ 6 వికెట్ల నష్టానికి 216 పరుగులు మాత్రమే చేయడంతో 89 పరుగుల తేడాతో పరాజయం పాలైంది. టీమిండియా బౌలర్లు విజయ్‌ శంకర్‌, హార్దిక్‌ పాండ్య, కుల్‌దీప్‌ యాదవ్‌ తలో రెండు వికెట్లు పడగొట్టారు. రోహిత్ శర్మకు మ్యాన్ ఆఫ్ ది మ్యాచ్ దక్కింది.
Comprehensive victory for India! Watch the winning moment #INDvPAK #CWC19 pic.twitter.com/52OKhtfL0w
— ICC (@ICC) June 16, 2019
