‘వజ్రకవచధర గోవింద’ని కట్ చేస్తున్నారు
కమెడియన్ సప్తగిరి హీరోగా చేసిన మూడో ప్రయత్నం ‘వజ్రకవచధర గోవింద’. అంతకుముందు ఆయన హీరోగా సప్తగిరి ఎక్స్ ప్రెస్, సప్తగిరి ఎల్ ఎల్ బి సినిమాలొచ్చాయ్. ఓ మోస్తారుగుగా ఆడాయి. లాభాలు రాకపోయినా.. పెద్దగా నష్టాలు మాత్రం తేలేదు. గత శుక్రవారం ప్రేక్షకుల ముందుకొచ్చిన ‘వజ్రకవచధర గోవింద’ సినిమాపై మిక్సిడ్ టాక్ వినిపించింది. ఈ ఫలితాన్ని సప్తగిరి అంగీకరించాడు. తన సినిమాకు తొలిరోజు మిక్సిడ్ టాక్ వినిపించింది. రెండో రోజు నుంచి యావరేజ్ టాక్ నడుసోందన్నారు.
ఆదివారం ‘వజ్రకవచధర గోవింద’ చిత్రబృందం ప్రెస్ మీట్ నిర్వహించింది. ఈ సందర్భంగా సప్తగిరి మాట్లాడుతూ.. ఆశించిన మేరకు టాక్ రాలేదని హానెస్ట్ గా ఒప్పుకున్నారు. సినిమా సెకండాఫ్ లాగ్ అయిందని కొందరు చెప్పారని, ఆ మేరకు పది నిమషాలు తీసేస్తున్నామని తెలిపారు. సోమవారం నుంచే ట్రిమ్ చేసిన ‘వజ్రకవచధర గోవింద’ ప్రేక్షకులు చూడొచ్చు. చిన్నవాళ్లమని, తమ తప్పులు చూడకుండా, కాస్త ఆదిరిస్తే ముందుకు వెళ్లగలమని, లేదంటే ఇక్కడే ఆగిపోవాల్సిన పరిస్థితి వుంటుందని సప్తగిరి ప్రేక్షకులని వేడుకోవడం ఆకట్టుకొంది. మరీ.. సప్తగిరిని ప్రేక్షకులు గట్టెక్కిస్తారేమో చూడాలి.
