శృతిహాసన్’కు హాలీవుడ్ ఆఫర్
హీరోయిన్ గా మళ్లీ బిజీ కావాలనే ప్రయత్నాల్లో ఉంది శృతిహాసన్. ఆ ప్రయత్నాలు కొంతమేరకు ఫలించాయి. తెలుగులో ఆమెకు ఓ సినిమా అవకాశం దక్కింది. గోపిచంద్ మలినేని దర్శకత్వంలో రవితేజ నటించబోయే సినిమా కోసం శృతిని తీసుకొన్నారు. ‘బలుపు’ కాంబో అన్నమాట. ఇదీగాక, మరో ఒకట్రెండు సినిమాలకి శృతి గ్రీన్ సిగ్నల్ ఇచ్చింది. వాటి వివరాలు త్వరలోనే తెలియనున్నాయి.
ఇదిలావుండగా శృతికి హాలీవుడ్ ఆఫర్ రావడం విశేషం. హాలీవుడ్ లో ‘ట్రెండ్ స్టోన్’ అనే టీవీ సీరీస్ లో నటించే అవకాశం దక్కించుకొంది. ఈ సీరీస్ ను యుఎస్ నెట్వర్క్ సంస్థ నిర్మిస్తోంది. ఈ సిరీస్ బాగా పాపులర్. ఇందులో శృతి వెయిట్రెస్ గా చేస్తూ.. సీక్రెట్ గా హత్యలు చేసే అమ్మాయిగా నటిస్తోందని తెలుస్తోంది. ఈ సిరీస్ కనుక హిట్ అయితే.. శృతి హాసన్ తలరాతే మారిపోవచ్చు. గ్లోబల్ స్టార్ ప్రియాంక చోప్రా మాదిరిగా శృతి కూడా హాలీవుడ్ లో బిజీ అయిపోవచ్చని చెబుతున్నారు.
