గుడారాలు కూలి 14 మంది మృతి

రాజస్థాన్‌లో ఘోర ప్రమాదం చోటుచేసుకుంది. బాడ్‌మేర్‌ జిల్లాలో గుడారాలు కూలి 14 మంది మృతిచెందారు. మరో 50 మంది గాయపడ్డారు. గాయపడిన వారిని ఆస్పత్రికి తరలించారు. ఘటనా స్థలిలో సహాయక చర్యలు కొనసాగుతున్నాయి.

ఓ ఆధ్యాత్మిక కార్యక్రమం కోసం తరలివచ్చిన భక్తుల సౌకర్యార్థం అక్కడ గుడారాలు ఏర్పాటు చేశారు. ఒక్కసారిగా గాలి, వర్షం రావడంతో.. అవి కుప్పకూలాయి. అదే సమయంలో విద్యుత్‌ షాక్‌ కొట్టడంతో పలువురు మరణించినట్లు సమాచారం. ఈ ఘటనపై పూర్తి వివరాలు తెలియాల్సి ఉంది.