‘యాంగ్రీ బర్డ్స్‌2’ ట్రైలర్ వచ్చేసింది
‘యాంగ్రీ బర్డ్స్‌2’ ట్రైలర్ వచ్చేసింది. 2016లో విడుదలైన ‘యాంగ్రీ బర్డ్స్‌’ సినిమాకు సీక్వెల్‌ ఇది. రోవియో ఎంటర్‌టైన్‌మెంట్స్‌ నిర్మిస్తోంది. ఈ చిత్రం ఆగస్ట్‌ 14న ప్రపంచవ్యాప్తంగా ప్రేక్షకుల ముందుకు రాబోతోంది. ఈ సినిమా ఫైనల్‌ ట్రైలర్‌ను చిత్రబృందం ఆదివారం విడుదల చేసింది.
ఈ సీక్వెల్‌లో ఎప్పుడూ కొట్టుకుంటూ, తిట్టుకుంటూ ఉండే కోపిష్టి పక్షులు, పందులు.. మిత్రులైపోతాయి. జటా (పర్పుల్‌ బర్డ్‌).. పక్షులు, పందుల స్థావరాలపై మంచు గడ్డలతో దాడి చేస్తుంది. దాంతో వాటి ఆటలను ఎలాగైనా కట్టించాలని లియోనార్డ్‌ (పంది), రెడ్‌ (పక్షి) ఇంటికి వెళ్లి జటాను ఎలాగైనా కట్టడిచేయాలని చెప్తుంది. దీంతో వారిద్దరూ ఇతర స్నేహితులతో కలిసి జటాను ఎలా దెబ్బతీశారు ? ఈ క్రమంలో వారు కోల్పోయిన ప్రదేశాన్ని విడిచి కొత్త ప్రదేశాన్ని ఎలా వెతుక్కున్నారు? తదితర అంశాలను ఈ సీక్వెల్‌లో చూపించారు.
