విజయశాంతి బర్త్ డే.. మహేష్ ట్విట్ !
సీనియర్‌ నటి విజయశాంతికి పుట్టినరోజు నేడు. ఈ సందర్భంగా ఆమెకి సూపర్ స్టార్ మహేష్ బాబు ట్విట్టర్ వేదికగా శుభాకాంక్షలు తెలిపారు. “జన్మదిన శుభాకాంక్షలు విజయశాంతి గారు. మీతో కలిసి మరోసారి పనిచేయడానికి ఎదురుచూస్తున్నా. ఈ ఏడాది మీకు గొప్పగా ఉండాలని కోరుకుంటున్నా’నని మహేష్ రాసుకొచ్చారు.
దర్శకుడు అనిల్ రావిపూడి కూడా విజయశాంతికి జన్మదిన శుభాకాంక్షలు తెలిపారు. “ఇలాంటి పుట్టినరోజులు మీరు మరెన్నో జరుపుకోవాలని ఆశిస్తున్నా విజయశాంతి గారు. మీ రీ ఎంట్రీ గొప్పగా ఉండాలని ఆశిస్తున్నా మేడమ్‌’ అని ట్విట్ చేశారు.
విజయశాంతి నటించిన ‘కొడుకు దిద్దిన కాపురం’ (1989) సినిమాలో మహేష్ బాలనటుడిగా కనిపించారు. ఇప్పుడు మహేష్ 26 చిత్రం సరిలేరు నీకెవ్వరు చిత్రంతో విజయశాంతి రీఎంట్రీ ఇవ్వబోతున్నారు. దాదాపు 13యేళ్ల తర్వాత ఆమె నటిస్తున్న చిత్రమిది. ఇందులో ఆమె పాత్ర మహేష్ పాత్రని ఏమాత్రం తీసిపోకుండా.. చాలా పవర్ ఫుల్ గా ఉండనుందని చెబుతున్నారు.
