మాజీ క్రికెటర్‌ బ్రియాన్‌ లారాకు అనారోగ్యం
వెస్టిండిస్‌ మాజీ క్రికెటర్‌ బ్రియాన్‌ లారా ఒక్కసారిగా అనారోగ్యానికి గురయ్యారు. ప్రస్తుతం లారా ముంబయిలోనే ఉంటూ.. స్టార్ స్పోర్ట్స్‌ స్టూడియోలో కామెంటరీ బాధ్యతలు నిర్వర్తిస్తున్నారు. మంగళవారం ఓ హోటల్‌లో జరుగుతున్న కార్యక్రమానికి హాజరైన లారాకు సడెన్ ఛాతి నొప్పి రావడంతో ఆయనను ముంబయిలోని పరేల్‌ ప్రాంతంలో గ్లోబల్‌ ఆస్పత్రికి తరలించారు.
ప్రస్తుతం లారా ఆరోగ్యం నిలకడగానే ఉందని తెలుస్తోంది. దీంతో ఆయన అభిమానులు ఊపిరిపీల్చుకొన్నారు. అనారోగ్యం నేపథ్యంలో 27న జరిగే విండీస్‌-భారత్‌ మ్యాచ్‌కు లారా అందుబాటులో ఉండకపోవచ్చని చెబుతున్నారు. స్టార్ స్పోర్ట్స్‌ అధికారులు
లారా ఆరోగ్యపరిస్థితిపై ఎప్పటికప్పుడు ఆరా తీస్తున్నారు.
