ఆసీస్’కు రూట్ హెచ్చరికలు
సెమీఫైనల్లో ఆస్ట్రేలియాకు కష్టాలు తప్పవు అంటున్నాడు ఇంగ్లాండ్ స్టార్ బ్యాట్స్ మెన్ జో రూట్. గురువారం ఆస్ట్రేలియా, ఇంగ్లాండ్ రెండో సెమీస్‌లో తలపడనున్నాయి. ఆటకి ముందు సవాళ్లకి విసురుకోవడం ఆటగాళ్లకి అలవాటే. ఆ పనిని జో రూట్ మొదలెట్టాడు.
‘ప్రస్తుతం ఆస్ట్రేలియాపై మా జట్టుకు మెరుగైన రికార్డే ఉంది. ప్రపంచకప్‌లో వార్మప్‌ మ్యాచ్‌, లీగ్‌ మ్యాచ్‌ మినహా.. గత మ్యాచ్‌ల్లో ఆసీస్‌పై మాదే పైచేయి. ఆ విజయాల ద్వారా వచ్చిన అనుభవమే మాలో సానుకూల దృక్పథాన్ని మరింత పెంచింది. సెమీస్‌లోనూ అదే కథ పునరావృతం చేస్తాం’ అన్నాడు రూట్.
‘జట్టులో చాలా మంది ఆటగాళ్లు అద్భుతమైన ఫామ్‌లో ఉన్నారు. ముఖ్యంగా టాప్‌ ఆర్డర్‌లో జేసన్‌ రాయ్‌ దూకుడుగా ఆడటం జట్టుకు గొప్ప సానుకూలాంశం. చాలా కాలంగా మా జట్టు తీవ్రమైన ఒత్తిడి వాతావరణంలో ఆడుతూ వస్తోంది. ప్రస్తుత పరిస్థితుల్లో అదే మమల్ని విజయాల దిశగా నడిపిస్తోంది’ రూట్ చెప్పుకొచ్చాడు.
