ప్రపంచకప్ : టీమిండియాకొచ్చే ప్రైజ్‌మనీ ఎంతో తెలుసా ?
ప్రపంచకప్ లో సెమీస్ లోనే టీమిండియా కథ ముగిసింది. న్యూజిలాండ్‌తో జరిగిన సెమీస్‌లో టీమిండియా 18 పరుగుల తేడాతో ఓడిన సంగతి తెలిసిందే. ఐతే, సెమీఫైనల్లో ఓడిన టీమిండియాకు సుమారు రూ.5.47 కోట్లు (0.8 మిలియన్ల డాలర్లు) ప్రైజ్ మనీ దక్కనుంది.
ఐసీసీ ఈ సారి వన్డే ప్రపంచకప్ చరిత్రలోనే అత్యధిక మొత్తంలో ప్రైజ్ మనీని అందిస్తోంది. ప్రపంచకప్ విజేతకు 4 మిలియన్ల డాలర్లు అంటే సుమారు రూ. 27.38 కోట్లు, రన్నరప్‌కు 2 మిలియన్ల డాలర్లు అంటే సుమారు రూ.13.7 కోట్లు అందనుంది. లీగ్‌ దశలో గెలిచిన ఒక్కో మ్యాచ్‌కు గాను జట్టుకు సుమారు రూ. 27.4 లక్షలు (40 వేల డాలర్లు) చొప్పున అందిస్తారు.
