రిమేక్ మూడులో సమంత

స్టార్ హీరోయిన్ సమంత రిమేక్ మూడులో ఉన్నారు. గ‌త ఏడాది ‘యూ టర్న్’ అనే క‌న్న‌డ సినిమాను తెలుగు, త‌మిళంలో రీమేక్ చేసి ప్ర‌శంస‌లు అందుకున్నారు. ఈ యేడాది ‘ఓ బేబీ’తో బ్లాక్ బస్టర్ హిట్ అందుకొన్నారు. కొరియ‌న్ మూవీ `మిస్ గ్రానీ`కి రీమేక్‌ ఇది. ఇందులో సామ్ నటనకి ప్రశంసలు దక్కాయి. ఫ్యామిలీ, యూత్ ప్రేక్షకులని ఆకట్టుకొన్న బేబీ కలెక్షన్స్ రూ. 50కోట్లు దాటేశాయ్. ఈ ఆనందంలో సామ్ మరో రిమేక్ కి రెడీ అవుతున్నారు.

ఫ్రెంచ్ కామెడీ ఎంట‌ర్‌ టైన‌ర్‌ చిత్రాన్ని రిమేక్ చేయడానికి సామ్ ఆసక్తి చూపిస్తున్నారు. సురేశ్ బాబు ఈ సినిమాను తెలుగులో నిర్మించే అవ‌కాశాలున్నాయ‌ని, ప్ర‌స్తుతం స్క్రిప్ట్ వ‌ర్క్ జ‌రుగుతుంద‌ని టాక్‌. ఇక, ఓ బేబీతో బ్లాక్ బస్టర్ హిట్ అందించిన దర్శకురాలు నందిని రెడ్డి దర్శకత్వంలో సామ్ మరో సినిమా చేయనుంది. ఐతే, ఈ సారి సామ్ కోసం నందిని రెడ్డి ఓ కామెడీ ఎంటర్ టైనర్ ని ఎంచుకొన్నారట. సామ్-నందినిరెడ్డి కలిసి ఈసారి నవ్వులు పంచనున్నారు.