25నెలల్లో.. ‘సాహో’ షూటింగ్ పూర్తి !
యంగ్ రెబల్ స్టార్ ప్రభాస్ నటిస్తున్న యాక్షన్ థ్రిల్లర్ ‘సాహో’. శ్రద్దా కపూర్ హీరోయిన్. సుజీత్ దర్శకుడు. యూవీ క్రియేషన్స్ నిర్మిస్తోంది. ఆగస్టు 15 ‘సాహో’ ప్రేక్షకుల ముందుకు రానుంది. సోమవారంతో ఈ సినిమా షూటింగ్ పూర్తయింది. షూటింగ్ ఆఖరి రోజున చిత్రబృందంతో ప్రభాస్ దిగిన సెల్ఫీ పిక్ సోషల్ మీడియాలో వైరల్ అవుతోంది.
2017 జూన్ 9న ‘సాహో’ షూటింగ్ మొదలైంది. నిన్నటితో (2019 జులై 15) షూటింగ్ పూర్తయింది. మొత్తంగా 25 నెలల్లో సాహో షూటింగ్ పూర్తయింది. బాహుబలి తర్వాత ప్రభాస్ నటిస్తున్న సినిమా కావడంతో సాహో భారీ అంచనాలున్నాయి. అందుకు తగ్గట్టునే సాహోని హాలీవుడ్ రేంజ్ లో తీర్చిద్దినట్టు తెలుస్తోంది.
సాహో షూటింగ్ పూర్తయింది. మరోవైపు డబ్బింగ్ పనులు కొనసాగుతున్నాయి. ఇక మిగిలింది వీవీఎక్స్ ఎఫెక్ట్స్ పని పూర్తికావాల్సి ఉంది. ఇందులో జాప్యం జరుగుతోంది. దీంతో సాహో వాయిదా పడే అవకాశాలు కనిపిస్తున్నాయనే ప్రచారం జరుగుతోంది. ఐతే, అందులో ఏ మాత్రం నిజంలేదు. సాహో ఆగస్టు 15కి పక్కా అని చిత్రబృందం చెబుతోంది.
