అవికాకు గది పిలుపులు.. !

యంగ్ హీరోయిన్ అవికా గోర్‌’కు గది పిలుపులొచ్చాయ్. ఆమెని ఓ దర్శకుడు గదిలోకి పిలిచాడు. అవికా కూడా సంతోషంగా ఒప్పేసుకొంది. ఆ గదే.. ‘రాజుగారి గది’. ఓంకార్ దర్శకుడుగా ఆయన తమ్ముడు అశ్విన్‌ హీరోగా వచ్చిన ‘రాజుగారి గది’ హిట్ అయింది. ఈ సినిమా సీక్వెల్ ‘రాజుగారి గది2’లో నాగార్జున, సమంత కీలక పాత్రలో నటించారు. అది సూపర్ హిట్ అయింది. ఇప్పుడు మూడో గదిని రెడీ చేస్తున్నాడు ఓంకార్. దీని కోసం తమన్నాని తీసుకొన్నాడు.

‘రాజుగారి గది3’ ప్రారంభోత్సవానికి తమ్మూ హాజరైంది. అశ్విన్ తో కలిసి ఫోటోలకి పోజులిచ్చింది. ఆ తర్వాత ఏమైందో ఏమో తెలీదు గానీ.. రాజుగారి గది నుంచి తమ్మూ తప్పుకొంది. దీంతో కొత్త హీరోయిన్ కోసం ఓంకార్ ట్రై చేస్తున్నారు. ఈ క్రమంలో యంగ్ హీరోయిన్ అవికా గోర్ ని ఫైనల్ చేశారని టాక్. ఐతే, మంచి ఎక్స్ పీరియన్స్ ఉన్న తమన్నా.. స్థానాన్ని అవికా ఎలా పూర్తి చేస్తుంది. ఏ మేరకు సంతృప్తి పరుస్తుందన్నది పెద్ద ప్రశ్నగా మారింది.