వైరల్ : వృద్ధాప్యంలో బాలీవుడ్ సెలబ్రేటీస్.. ఇలా !
‘బాటిల్ క్యాప్ ఛాలెంజ్’ తర్వాత సోషల్ మీడియాలో #old filter వైరల్ అవుతోంది. ఇదో ఫోటో అప్లికేషన్. ‘ఫేస్ యాప్’ అని పిలుస్తారు. ఇది మీరు వృద్దాప్యంలో ఎలా ఉంటారన్నది కొన్ని సెకన్స్ లోనే చూపిస్తుంది. బాలీవుడ్ స్టార్స్ అర్జున్ కపూర్, వరుణ్ ధావన్, సోనమ్ కపూర్.. తదితరులు ఈ యాప్ ని వినియోగించుకొని వృద్ధాప్యంలోకి వెళ్లారు.
దానికి సంబంధించిన ఫోటోలని సోషల్ మీడియాలో షేర్ చేశారు. అవి వైరల్ అవుతున్నాయి. అర్జున్ కపూర్ ఓల్డ్ లుక్ ని తన ఇన్‌స్టా అకౌంట్‌లో షేర్ చేశాడు. ‘వృద్ధాప్యంలో నేను ఇలా ఉంటానా… గుర్తుపట్టారా’ అంటూ అర్జున్ ఇన్‌స్టాగ్రామ్‌లో స్టోరీలో రాసుకొచ్చాడు. కొన్ని గంటల్లోనే వైరల్‌గా మారిన ఈ ఫొటోపై నెటిజన్లతో పాటు సెలబ్రిటీలు కూడా తమదైన శైలిలో కామెంట్లు చేస్తున్నారు.
సోనమ్ కపూర్ కూడా సదరు యాప్ ద్వారా వృద్ధాప్యంలో తానెలా ఉంటారో తెలిపే ఫొటోను సోషల్ మీడియాలో షేర్ చేశారు. ‘ 75- 80 ఏళ్ల వయస్సులో ఈమె ఎలా ఉన్నారో చూడండి. నిజంగా తను చాలా అందంగా ఉంది కదా. తను ఎల్లప్పటికీ అందాల రాణిగానే ఉంటుంది’ అంటూ ఇన్‌స్టా స్టోరీలో రాసుకొచ్చారు. వరుణ్ ధావన్ కూడా తన ఓల్డేజ్‌ ఫొటోను షేర్ చేశారు. ఇక, అర్జున్ కపూర్, ఆయన ప్రియురాలు మలైకా అరోరాల వృద్దాప్య ఫోటోలు సోషల్ మీడియాలో చక్కర్లు కొడుతున్నాయి. యంగ్ ఏజ్ లోనే ఓల్డ్ ఏజ్ లుక్ ని ఎంజాయ్ చేసే అవకాశం కల్పించింది ఫేస్ యాప్. ఇక టాలీవుడ్ స్టార్స్ ఫేస్ యాప్ ని వాడితే చూడాలని ఉంది. మరీ.. టాలీవుడ్ నుంచి మొదటి ముసలోడు ఎవరు అవుతారన్నది చూడాలి. 
