చైతూ సినిమాకు ప్రభాస్ నిర్మాత.. !
అక్కినేని యంగ్ హీరో నాగ చైతన్యకి ఈ యేడాది బాగా కలిసొస్తోంది. ‘మజిలీ’తో సూపర్ హిట్ అందుకొన్నారు. మేనమామ విక్టరీ వెంకటేష్ తో కలిసి ‘వెంకీ మామ’ సినిమా చేస్తున్నాడు. ఈ సినిమా అద్భుతంగా వస్తుంది. హిట్ గ్యారెంటీ అని వెంకీ చెబుతూ వస్తున్నారు. ఇక, దర్శకుడు శేఖర్ కమ్ముల ఏరికోరి చైతూని హీరోగా ఎంచుకొన్నాడు.
వెంకీ మామ తర్వాత శేఖర్ కమ్ముల దర్శకత్వంలో చైతూ సినిమా ఉండనుంది. హీరోయిన్ గా సాయి పల్లవి పేరు వినిపిస్తోంది. శేఖర్ కమ్ముల దర్శకత్వంలో సినిమా చేయాలని చైతూ చాన్నాళ్ల నుంచి వెయిట్ చేస్తున్నాడు. ఇప్పుడా కోరిక తీరనుంది. ఇక, ఈ సినిమా తర్వాత చైతూ చేయబోయే సినిమాకు ప్రభాస్ నిర్మాతగా వ్యవహరించనున్నాడు.
మేర్లపాక గాంధీ దర్శకత్వంలో చైతూ సినిమా ఉండనుంది. ఈ చిత్రాన్ని ప్రభాస్ సొంత బ్యానర్ గా పిలవబడే యూవీ క్రియేషన్స్ నిర్మించనుంది. యూవీ క్రియేషన్స్ నుంచి ‘సాహో’ లాంటి భారీ బడ్జెట్ సినిమా రాబోతుంది. రాథాకృష్ణ దర్శకత్వంలో ప్రభాస్ నటిస్తున్న ప్రేమకథా చిత్రాన్ని యూవీనే నిర్మిస్తోంది. ఈ రెండు చిత్రాల తర్వాత యూవీ నిర్మించబోయే సినిమా చైతూదే కావడం విశేషం.
