‘గ్యాంగ్ లీడర్’ ఫస్ట్ సాంగ్ విన్నారా.. ?

నేచురల్ స్టార్ నాని ‘గ్యాంగ్ లీడర్’గా మారిన సంగతి తెలిసిందే. మెగాస్టార్ చిరంజీవి తర్వాత ఆ అవకాశం నానికి మాత్రమే దక్కింది. నాని ‘గ్యాగ్ లీడర్’కు విక్రమ్ కె కుమార్ దర్శకత్వం వహిస్తున్నారు. మైత్రీ మూవీస్ నిర్మిస్తోంది. ఆగస్టు 30న గ్యాంగ్ లీడర్ ప్రేక్షకుల ముందుకు రాబోతున్నారు. ఈ నేపథ్యంలో సినిమా ప్రమోషన్స్ ని మొదలెట్టింది చిత్రబృందం.ఇందులో భాగంగా గురువారం సినిమాలోని ఫస్ట్ సాంగ్ ‘రా రా.. ‘ విడుదల చేశారు.

అనంత శ్రీరామ్ రాసిన ఈ పాటని పృధ్వీ చంద్ర, బాషర్ మాక్స్ పాడారు. అనిరుధ్ సంగీతం అందించారు. ‘గ్యాంగ్ లీడర్’ పోరాటాన్ని తెలిపే సాంగ్ లా ఉంది ఈ పాట. అనిరుధ్ అందించన ట్యూన్స్ క్యాచీగా ఉన్నాయి. ఇక, సినిమాలో దర్శకుడు సీరియస్ రివెంజ్ ని చూపిస్తూనే నాని పాత్రను కామెడీగా ఎలివేట్ చేస్తాడట. ఈ సినిమాలో న్యాచురల్ స్టార్ క్యారెక్టర్ కెరీర్ లోనే ది బెస్ట్ క్యారెక్టర్ గా నిలుస్తుందని సమాచారమ్. ఈ నెల 24న గ్యాంగ్ లీడర్ టీజర్ రానుంది.