వైరల్ : కేటీఆర్ గెడ్డం లుక్

టీఆర్ఎస్ వర్కింగ్ ప్రెసిడెంట్ కేటీఆర్ ఎప్పుడూ క్లీన్ షేవ్ తో కనిపిస్తారు. సడెన్ గా ఆయన గడ్డం పెంచేశారు. దానికి సంబంధించిన ఫోటో ఒకటి సోషల్ మీడియాలో వైరల్ అవుతోంది. ఇది ఫేస్ యాప్ మహాత్యం. ఓ అభిమాని కేసీఆర్ ఫోటోని ఫేస్ యాప్ ద్వారా గడ్డం, మీసాలు పెట్టాడు. దాన్ని సోషల్ మీడియాలో పోస్ట్ చేశాడు. కేటీఆర్‌ ఒక సమావేశంలో ప్రసంగిస్తున్న ఫోటోకు ఫేస్‌యాప్‌ సాయంతో గడ్డం మీసాలు పెట్టి ట్వీట్‌కు జత చేశారు. ‘అన్నా..గడ్డం, మీసాలతో మీరు చాలా అందంగా ఉన్నారు’ అంటూ కామెంట్ పెట్టాడు.

అభిమాని ట్విట్ కి కేటీఆర్ రిప్లై ఇచ్చారు. ‘ఫర్వాలేదు (నాట్‌బ్యాడ్‌). ఇలా కూడా బాగానే ఉన్నానే’ అంటూ చమత్కరించారు.
అభిమానికి కేటీఆర్ కృతజ్ఞతలు తెలిపారు. ప్రస్తుతం కేటీఆర్ మున్సిపల్ ఎలక్షన్స్ పై ఫోకస్ పెట్టారు. గెలుపు గుర్రాలకే టికెట్లు ఇస్తామని చెప్పారు. కొత్త పురపాలక చట్టంపై పేదలు హర్షం వ్యక్తం చేస్తున్నారు. ముఖ్యంగా 75గజాల లోపు ఇంటి నిర్మాణానికి ఎలాంటి అనుమతులు అవసరంలేదన్న నిబంధన ప్రజలని బాగా ఆకట్టుకుంటోంది. ఇదే మున్సిపల్ ఎన్నికల్లో తెరాసకి ఓట్లు గుప్పించేలా కనబడుతోంది.