సంజయ్‌ బంగర్’పై వేటు ఖాయం ?
టీమిండియా కోచ్, అసిస్టెంట్ కోచ్ పదవులకి నోటిఫికేషన్ జారీ అయిన సంగతి తెలిసిందే. ఈ నెల 30తో దరఖాస్తులకు చివరి తేదీ. కపిల్‌ దేవ్‌ నేతృత్వంలోని కమిటీ ముఖాముఖి ద్వారా ఎంపిక చేయనుంది. ప్రస్తుతం బీసీసీఐ వర్గాల నుంచి వస్తున్న సమాచారం ప్రకారం బౌలింగ్‌ కోచ్ భరత్‌ అరుణ్‌ తిరిగి ఎంపిక కానున్నారు. అతడి నేతృత్వంలో టీమిండియా బౌలింగ్‌ దళం మునుపెన్నడూ లేనంత బలంగా తయారైంది, ఇక, బ్యాటింగ్‌ కోచ్ సంజయ్‌ బంగర్ మెడపై కత్తి వేలాడుతోంది.
మిడిలార్డర్‌లో మెరుగైన బ్యాట్స్‌మెన్‌ను తయారు చేయడం బంగర్ ఎలా విఫలమయ్యాడో ప్రపంచకప్‌లో చూశాం. అంతేకాదు.. ప్రపంచకప్‌లో న్యూజిలాండ్‌తో జరిగిన సెమీస్‌లో ఎంఎస్‌ ధోనీ ఏడో స్థానంలో రావడానికి కారణం బంగరే అని తెలుస్తోంది. జట్టు యాజమాన్యానికి అతడే ఆ సలహా ఇచ్చాడని అంటున్నారు. ఈ నేపథ్యంలో బంగర్ కు మరో అవకాశం దక్కకపోవచ్చు. ఫిల్డింగ్ కోచ్ గా జాంటీ రోడ్స్‌ ఎంపికయ్యే ఛాన్స్ కనిపిస్తోంది.
