మోక్షజ్ఝ కోసమే బాలయ్య రహస్య పూజాలు ?
నటసింహం నందమూరి బాలకృష్ణ రహస్య పూజలు చేయడం చర్చనీయాంశంగా మారింది. తూర్పు గోదావరి జిల్లాలోని పుల్లేటికుర్రు శివాలయంలో గురువారం బాలయ్య తనయుడు మోక్షజ్ఝతో కలిసి పూజలు చేశారు. చండీ హోమం, సుదర్శన హోమం, రామలింగేశ్వరస్వామికి రుద్రాభిషేకం నిర్వహించినట్టు తెలిసింది. బాలయ్య ఆధ్యాత్మిక గురువు కారుపర్తి నాగ మల్లేశ్వరరావు సిద్దాంతి ఆధ్వర్యంలో ఈ ప్రత్యేక పూజలు,హోమాలు అభిషేకాలు నిర్వహించారు.
ఇంతకీ బాలయ్య ఈ రహస్య పూజాలని ఎందుకు చేసినట్టు ? అనే చర్చ సాగుతోంది. అది కూడా తనయుడు మోక్షజ్ఝతో కలిసి చేయడం మరింత ప్రాధాన్యతని సంతరించుకొంది. మోక్షజ్ఝ తెరంగేట్రంపై చానాళ్లుగా చర్చ సాగుతోంది. ‘గౌతమిపుత్ర శాతకర్ణి’, ‘ఎన్టీఆర్ బయోపిక్’తోనే మోక్షజ్ఝ ఎంట్రీ ఉంటుందన్నారు. కానీ జరగలేదు. బోయపాటి లేదా క్రిష్ దర్శకత్వంలో బోయపాటి ఎంట్రీ సినిమా అన్నారు. ఇప్పటి వరకు అప్ డేటు లేదు. ఈ నేపథ్యంలో తనయుడు మోక్షజ్ఝ కోసమే బాలయ్య రహస్య పూజలు నిర్వహించి ఉంటాడనే ప్రచారం జరుగుతోంది.
