‘సాహో’ ట్రైలర్ ముహూర్తం ఫిక్స్

ప్రభాస్ ‘సాహో’ ఆగస్టు 15న ప్రేక్షకుల ముందుకు రావాల్సి వుంది. ఐతే, ప్రొడక్షన్ పనుల్లో జాప్యం కారణంగా ఆగస్టు30కి వాయిదా పడింది. అయినప్పటికీ ఆగస్టు 15ని సాహో వాడుకోనుంది. ఆ రోజున ట్రైలర్ ని విడుదల చేయాలని భావిస్తున్నారు. దీనిపై ఒకట్రెండు రోజుల్లో అధికారిక ప్రకటన రానుంది. ఇక ఇప్పటికే బయటికొచ్చిన మేకింగ్ వీడియోలు, పోస్టర్స్, టీజర్ సినిమాపై అంచనాలని పెంచేలా ఉన్నాయి. సాహో రెండో సాంగ్ మంగళవారం విడుదల కానుంది. ఈ సాంగ్ అప్ డేటు తెలిపుతూ చిత్రబృందం విడుదల చేసిన రొమాంటిక్ పోస్టర్ ఆకట్టుకుంటోంది.

బాహుబలి తర్వాత ప్రభాస్ నటించిన సాహోపై ప్రేక్షకుల్లో భారీ అంచనాలున్నాయి. ఈ చిత్రానికి సుజీత్ దర్శకత్వం వహించారు. శ్రద్దా కపూర్ కథానాయిక. దాదాపు రూ. 300కోట్ల భారీ బడ్జెట్ తో యూవీ క్రియేషన్స్ నిర్మిస్తోంది. ఈ యాక్షన్ థ్రిల్లర్ యాక్షన్ హాలీవుడ్ రేంజ్ లో ఉండనుందని చెబుతున్నారు. టీజర్, యాక్షన్ పోస్టర్ లో ఆ రేంజ్ కనిపించింది. సాహో తో మరోసారి ప్రభాస్ ఇంటర్నేషనల్ ప్రేక్షకులని మెప్పిస్తాడని చెబుతున్నారు.