సూపర్ స్టార్’తో పూరి సినిమా ఫిక్స్.. !
పూరి ఈజ్ బ్యాక్. ‘ఇస్మార్ట్ శంకర్’ తర్వాత ఆయన ఫ్యాన్స్ చెబుతున్న మాట. నిజానికి పూరి మారలేదు. కానీ, హిట్ మాత్రం పడింది. ‘ఇస్మార్ట్ శంకర్’ కథ కాస్త కొత్తదే. కానీ కథనం మాత్రం పక్కా పూరి మార్క్ కనబడింది. ఐతే, మాస్ కి కనెక్ట్ కావడంతో ఇస్మార్ట్ శంకర్ పై కాసుల వర్షం కురిసింది. కేవలం రూ. 15కోట్ల ప్రీ రిలీజ్ చేసిన ఇస్మార్ట్ శంకర్ ఇప్పటికే రూ. 30కోట్లకిపైగా వసూలు చేసింది. లాంగ్ రన్ లో రూ. 40కోట్ల మార్క్ ని అందుకోనుంది. ఈ లెక్కన ఇస్మార్ట్ శంకర్ బ్లాక్ బస్టర్ హిట్టు కిందే లెక్క.
ఇక ఇస్మార్ట్ శంకర్ తర్వాత పూరి సూపర్ స్టార్ తో సినిమా చేయబోతున్నట్టు సమాచారమ్. ‘బిజినెస్ మ్యాన్’ పూర్తి అయినప్పుడే పూరీ ‘జనగణమన’ అనే సినిమా గురించి ప్రతిపాదించాడు. మహేశ్ తోనే ఆ సినిమాను చేయాలని అనుకున్నాడు. ఫస్ట్ లుక్ ని వదిలాడు. ఇతే, పూరీ ఫామ్ కోల్పోయి వరస ఫ్లాప్ లలో ఉన్ననేపథ్యంలో ఆ సినిమా ప్రతిపాదనను మహేశ్ పట్టించుకోలేదు. దీనిపై పూరి గుర్రుగా ఉన్నాడు. ఆ విషయంలో ఇస్మార్ట్ శంకర్ సినిమా ప్రమోషన్ సమయంలో సుస్పష్టం అయింది కూడా.
ఈ నేపథ్యంలో ‘జనగణమన’ కథని మరో హీరోతో తెరకెక్కించేందుకు పూరి రెడీ అయ్యారు. కన్నడ సూపర్ స్టార్ హీరో యశ్ హీరోగా ఆ సినిమాను రూపొందించాలని అనుకుంటున్నాడట. ఇటీవలే ‘కేజీఎఫ్’ తో యశ్ విజయాన్ని సొంతం చేసుకున్నాడు. ఆ సినిమాతో తెలుగుకు, బాలీవుడ్ కు కూడా పరిచయం అయ్యాడు. ప్రస్తుతం కేజీఎఫ్2తో బిజీగా ఉన్నాడు యష్. ఈ సినిమా తర్వాత యశ్ తో ‘జనగణమన’ పాడించాలనే ప్లాన్ లో పూరి ఉన్నట్టు తెలుస్తోంది. మరీ.. యశ్ తో పూరికి ఓకే చెబుతాడేమో చూడాలి.
