విజయశాంతి ఎంట్రీ ఇచ్చేశారు

దాదాపు 13యేళ్ల తర్వాత లేడీ సూపర్ స్టార్ విజయశాంతి రీ-ఎంట్రీ ఇస్తున్న సంగతి తెలిసిందే. సూపర్ స్టార్ మహేష్ బాబు ‘సరిలేరు నీకెవ్వరూ’ చిత్రంలో కీలక పాత్రలో నటిస్తున్నారు. ప్రస్తుతం ఈ సినిమా సెకండ్ షెడ్యూల్ హైదరాబాద్ రామోజీ ఫిల్మ్ సిటీలో జరుగుతోంది. కొద్దిరోజులుగా ట్రైన్ సీన్ ని తెరకెక్కిస్తున్నారు. ‘వెంకీ’ సినిమాలో తరహాగా ట్రైయిన్ సీన్ ఇది. ఇంకా పూర్తికాలేదు. ఐతే, ఇవాళ విజయశాంతి షూటింగ్ లో జాయిన్ అయ్యారు.

ఆమెపై కొన్ని కీలక సన్నివేశాలు తెరకెక్కిస్తున్నారు. వరుసగా మూడురోజుల పాటు ఆమె షూటింగ్ లో పాల్గొగనున్నారు. ఈ నేపథ్యంలో ట్రైన్ సీన్ షూట్ ని వాయిదా వేశారు. ఇక, ఈ సినిమా కోసం విజయశాంతి మొత్తం 55రోజులు కాల్షీట్లు ఇచ్చినట్టు తెలుస్తోంది. ఇందులో ఆమెది హీరో రేంజ్ పాత్ర అని తెలుస్తోంది.

ఇక మహేష్ బర్త్ డే కానుకగా ‘సరిలేరు నీకెవ్వరూ’ ఇంట్రో టీజర్ ని విడుదల చేసింది చిత్రబృందం. ఇందులో అజయ్ కృష్ణగా మహేష్ లుక్ ని చూపించారు. ఈ చిత్రానికి దేవిశ్రీ ప్రసాద్ సంగీతం అందిస్తున్నారు. వచ్చే యేడాది సంక్రాంతి కానుకగా సినిమాని ప్రేక్షకుల ముందుకు తీసుకురానున్నారు.