రెండో వన్డే : కోహ్లీ సేన ఈజీ విక్టరీ

విండిస్ టూర్ ని టీమిండియా ఘనంగా ప్రారంభించింది. టీ20 సిరీస్ ని స్వీప్ చేసింది. వన్డే సిరీస్ లోనూ జోరు చూపిస్తోంది. తొలి వన్డే వర్షం కారణంగా రద్దయిన సంగతి తెలిసిందే. ఆదివారం జరిగిన రెండో వన్డేలో కోహ్లీసేన ఈజీగానే గెలిచేసింది. మొదటి బ్యాటింగ్ చేసిన టీమిండియా నిర్ణత 50 ఓవర్లలో ఏడు వికెట్ల నష్టానికి 279 పరుగులు చేసింది.

కోహ్లీ(120; 125బంతుల్లో 14×4, 1×6) సెంచరీ, యువ బ్యాట్స్‌మన్‌ శ్రేయస్‌ అయ్యర్‌(71; 68బంతుల్లో 5×4, 1×6) అర్ధశతకంతో రాణించారు. వర్షం కారణంగా మ్యాచ్‌ను 46 ఓవర్లకు కుదించి విండీస్‌ లక్ష్యాన్ని 270 పరుగులుగా నిర్దేశించారు. భారత బౌలర్ల ధాటికి వెస్టిండీస్‌ పోరాటం 42 ఓవర్లలో 210 పరుగుల వద్దే ముగిసింది.

ఓపెనర్‌ లూయిస్‌(65; 80బంతుల్లో 8×4, 1×6), పూరన్‌(42; 52బంతుల్లో 4×4, 1×6) మినహా మిగతా బ్యాట్స్‌మెన్‌ విఫలమయ్యారు. భారత బౌలరల్లో భువనేశ్వర్‌ కుమార్‌(4/31) షమి(2/39), కుల్దీప్‌(2/59) ఆకట్టుకొన్నారు.