‘సైమా’ అవార్డులన్నీ ఆ నాలుగు చిత్రాలకే.. !
ఖతార్‌లో సౌథ్‌ ఇండియన్‌ ఇంటర్నేషనల్‌ అవార్డ్స్‌ (సైమా) వేడుక అట్టహాసంగా ప్రారంభమైంది. ఈ వేడుకకు ప్రముఖ యాంకర్‌ సుమ, హాస్యనటులు రాహుల్ రామకృష్ణ, ప్రియదర్శి వ్యాఖ్యాతలుగా వ్యవహరించారు. ఇప్పటికే తెలుగు, కన్నడ, తమిళ చిత్ర పరిశ్రమలకు చెందిన పలువురు నటీనటులకు అవార్డులు ప్రదానం చేశారు. వేడుకకు మెగాస్టార్ చిరంజీవి, కీర్తి సురేశ్‌, రాధిక, శ్రియ, పాయల్‌ రాజ్‌పుత్‌, యశ్‌, విజయ్‌ దేవరకొండ తదితరులు హాజరయ్యారు. ఐతే, తెలుగుకు సంబంధించి సైమా అవార్డులన్నీ నాలుగు చిత్రాలకే దక్కడం విశేషం. రంగస్థలం, మహానటి, ఆర్ఎక్స్100, గీత గోవిందం సినిమాలకు సైమా అవార్డుల పంట పండింది.
నా పేరు సూర్య నా ఇల్లు ఇండియా సినిమాకు గానూ.. ఉత్తమ ప్రతినాయకుడు శరత్‌ కుమార్‌ ఎంపికయ్యారు. మెగాస్టార్ చిన్నల్లుడు కల్యాణ్ దేవ్ కు ‘విజేత’ చిత్రానికి గానూ ఉత్తమ పరిచయ నటుడు అవార్డు దక్కింది. మొత్తానికి సైమా అవార్డుల్లో మెగా ఫ్యామిలీ హవా కనబడింది. దీనిపై ఇండస్ట్రీలో ఏమైనా విమర్శలొస్తాయేమో చూడాలి.
సైమా విజేతలు వీరే..
* ఉత్తమ చిత్రం: మహానటి
* ఉత్తమ దర్శకుడు: సుకుమార్‌ (రంగస్థలం)
* ఉత్తమ పరిచయ దర్శకుడు: అజయ్‌ భూపతి (ఆర్‌ ఎక్స్‌ 100)
* ఉత్తమ నటుడు: రామ్‌చరణ్‌ (రంగస్థలం)
* ఉత్తమ పరిచయ నటుడు: కల్యాణ్ దేవ్ (విజేత)
* ఉత్తమ నటుడు (క్రిటిక్‌): విజయ్‌ దేవరకొండ (గీత గోవిందం)
* ఉత్తమ నటి: కీర్తి సురేశ్‌ (మహానటి)
* ఉత్తమ నటి (క్రిటిక్‌): సమంత (రంగస్థలం)
* ఉత్తమ పరిచయ నటి: పాయల్‌ రాజ్‌పుత్‌ (ఆర్ఎక్స్ 100)
* ఉత్తమ సహాయ నటి: అనసూయ భరద్వాజ్‌ (రంగస్థలం)
* ఉత్తమ సహాయ నటుడు: రాజేంద్రప్రసాద్‌ (మహానటి)
* ఉత్తమ సంగీత దర్శకుడు: దేవిశ్రీ ప్రసాద్‌ (రంగస్థలం)
* ఉత్తమ హాస్యనటుడు: సత్య (ఛలో)
* ఉత్తమ ప్రతినాయకుడు: శరత్‌ కుమార్‌ (నా పేరు సూర్య నా ఇల్లు ఇండియా)
* ఉత్తమ గీత రచయిత: చంద్రబోస్‌(రంగస్థలం- ఎంత సక్కగున్నావే)
* ఉత్తమ గాయని: ఎం.ఎం మానసి (రంగస్థలం- రంగమ్మా..మంగమ్మా పాట)
* ఉత్తమ గాయకుడు: అనురాగ్‌ కులకర్ణి (ఆర్‌ ఎక్స్‌ 100- పిల్లారా.. పాట)
* ఉత్తమ సినిమాటోగ్రాఫర్‌: రత్నవేలు (రంగస్థలం)
* ఉత్తమ ఆర్ట్‌ డైరెక్టర్‌: మౌనిక రామకృష్ణ (రంగస్థలం)
* పాపులర్‌ సెలబ్రిటీ ఆన్‌ సోషల్‌మీడియా: విజయ్‌ దేవరకొండ
