రస్మిక ఎంత పనిచేసింది.. !

హీరోయిన్ రష్మిక మందన తొందరిపడింది. అలా అని కాలు జారలేదు. నోరు జారలేదు.. ! కానీ, ట్విట్ జారింది. అవునూ.. ఇది నిజం. ‘ఛలో’ సినిమాతో తెలుగు తెరకు పరిచమైంది రస్మిక. మంచి నటి అనిపించుకొంది. ‘ఛలో’ తర్వాత ఆమె నటించిన ‘గీత గోవిందం’ సూపర్ హిట్టయింది. ఈ సినిమాతో కాబోయే స్టార్ హీరోయిన్ అనిపించుకొంది. అందుకు తగ్గట్టుగానే.. సూపర్ స్టార్ మహేష్ ‘సరిలేరు నీకెవ్వరూ’ సినిమాలో ఛాన్స్ కొట్టేసింది. మరో రెండు మూడు తెలుగు సినిమాలు కూడా రస్మిక చేతిలో ఉన్నాయి.

కన్నడ, తెలుగు ప్రేక్షకుల మనసులు గెలిచిన రస్మిక తమిళనాట తన అదృష్టాన్ని పరీక్షించుకొనుంది. కార్తీ హీరోగా నటిస్తున్న సినిమాలో రస్మిక హీరోయిన్ గా నటిస్తున్న సంగతి తెలిసిందే. ప్రస్తుతం ఈ సినిమా జెడ్ స్పీడుతో షూటింగ్ జరుపుకుంటోంది. ఈ సినిమా టైటిల్ ని చిత్రబృందం ఇంకా ప్రకటించలేదు. ఈ లోపు రస్మిక తొందరపడింది. ప్రస్తుతం షూటింగ్ జరుపుకుంటున్న ఈ సినిమాకు సంబంధించి ఓ ఫోటోను తన సోషల్ మీడియా పేజ్‌లో పోస్ట్ చేసిన రష్మిక.. సుల్తాన్‌ (#Sultan) అనే హ్యాష్ ట్యాగ్‌ను షేర్‌ చేశారు. దీంతో సినిమా టైటిల్ ని రివీల్ చేసినట్టయింది. దీనిపై కార్తీ ఫ్యాన్స్ మండిపడుతున్నారు. రస్మిక ఎంతపని చేసిందని వాపోతున్నారు.