ప్రభాస్’తో సినిమా ప్రకటించిన దిల్ రాజు.. !

యంగ్ రెబల్ స్టార్ ప్రభాస్ ‘సాహో’ సినిమాని పూర్తి చేశాడు. ఈ నెల 30న సాహో ప్రేక్షకుల ముందుకు రానుంది. బాహుబలి తర్వాత ప్రభాస్ నటించిన సినిమా కావడంతో సాహో పై భారీ అంచనాలున్నాయి. అందుకు తగ్గట్టుగానే సినిమాని గ్రాండ్ గా తెరకెక్కించారు. ప్రమోషన్స్ ని పెద్ద ఎత్తున చేస్తున్నారు. బాహుబలి రేంజ్ లో రిలీజ్ చేయబోతున్నారు.

ఇక ‘సాహో’ తర్వాత ప్రభాస్ చేయబోయే సినిమా ఏంటీ ? అంటే.. ఇప్పటికే రాథాకృష్ణ దర్శకత్వంలో ప్రభాస్ సినిమా షూటింగ్ ప్రారంభం అయింది. కొద్దిమేరకు షూటింగ్ జరుపుకొంది. సాహో తర్వాత ఈ సినిమాని పూర్తి చేయనున్నాడు ప్రభాస్. ఆ తర్వాత దిల్ రాజు బ్యానర్ లో ప్రభాస్ సినిమా ఉండబోతున్నట్టు కొన్నాళ్లుగా ప్రచారం జరుగుతోంది. ఇటీవలే దిల్ రాజు ప్రభాస్ ని కలిసి సినిమా గురించి మాట్లాడారు. ఓ లైన్ ని వినిపించారనే వార్త బయటికొచ్చింది. ఐతే, దర్శకుడు ఎవరు ? అనేది తెలియరాలేదు.

ఈ నేపథ్యంలో ఆదివారం హైదరాబాద్ రామోజీ ఫిల్మ్ సిటీలో జరిగిన ప్రీ రిలీజ్ వేడుకకి హాజరైన దిల్ రాజు.. ప్రభాస్ తో వెంటనే సినిమా ఉండబోతుందనే హింట్ ఇచ్చారు. ప్రభాస్ ని ఇంటర్నేషనల్ స్టార్ ని చేసిన ఘనత రాజమౌళిదే. సాహో కూడా తెలుగు సినిమా గర్వించే సినిమా కావాలి. నిర్మాతలకి మంచి లాభాలు రావాలని దిల్ రాజు ఆకాంక్షించారు.