‘సైరా’ కోసం పవన్ గర్జన చూశారా.. ?

అన్నయ్య మెగాస్టార్ చిరంజీవి గొంతుక అయ్యాడు పవర్ స్టార్ పవన్ కల్యాణ్. సురేంధర్ రెడ్డి దర్శకత్వంలో మెగాస్టార్ చిరంజీవి కథానాయకుడుగా నటిస్తున్న చిత్రం ‘సైరా’. తొలి తెలుగు స్వాతంత్య్ర సమరయోధుడు ఉయ్యాలవాడ నరసింహారెడ్డి జీవిత గాథ ఆధారంగా తెరకెక్కుతోన్న చిత్రమిది. ఈ సినిమా టీజర్ కోసం పవన్ వాయిస్ ఓవర్ అందించారు. దానికి సంబంధించిన ఫోటోలు ఇటీవలే బయటికొచ్చాయ్. సోషల్ మీడియాలో వైరల్ అయ్యాయి. తాజాగా పవన్ వాయిస్ ఓవర్ చెబుతున్న వీడియో బయటికొచ్చింది.

ఇందులో పవన్ సైరా నరసింహారెడ్డి అంటూ గర్జించడం చూడొచ్చు. చిరంజీవి, దర్శకుడు సురేందర్‌ రెడ్డి దగ్గరుండి పవన్‌తో డబ్బింగ్ చెప్పించడం వీడియో దృశ్యాల్లో కనబడుతోంది. ఇందులో మెగాస్టార్ చిరంజీవి ఉయ్యాలవాడ నరసింహా రెడ్దిగా, ఆయన గురువు పాత్రలో బిగ్ బీ అమితాబ్ నటిస్తున్నారు. నయనతార, తమన్నా, అనుష్క, జగపతిబాబు, కిచ్చ సుధీప్, విజయ్ సేతుపతి, నిహారిక తదితరులు కీలక పాత్రల్లో నటిస్తున్నారు. సైరా కోసం రామ్ చరణ్ భారీగా ఖర్చు పెట్టారు. దాదాపు రూ. 250కోట్ల బడ్జెట్ అయినట్టు సమాచారమ్. రేపే (ఆగస్ట్20) సైరా టీజర్ రాబోతుంది. ఇక అక్టోబర్ 2 సైరా ప్రేక్షకుల ముందుకు రానుంది.