మహేష్, బన్నీల మధ్యలో కల్యాణ్.. !

తమ్ముడు తారక్ సూచనతో నిర్మాతగా సినిమాలు తగ్గించేశాడు కల్యాణ్ రామ్. హీరోగా మాత్రం వరుసగా సినిమాలు చేస్తున్నారు. డిఫరెంట్ కథలని ఎంచుకొంటున్నారు. విజయాలు అందుకొంటున్నాడు. ‘118’తో హిట్ కొట్టిన కల్యాణ్ రామ్ నుంచి రెండు మూడు సినిమాలు లైన్ లో పెట్టేశాడు. ‘ఎంత మంచివాడవురా’ ఇందులో ఒకటి. మెహరీన్‌ కథానాయిక. సతీష్‌ వేగేశ్న దర్శకుడు. ఉమేష్‌ గుప్త, సుభాష్‌ గుప్త నిర్మాతలు. ఈ ఫ్యామిలీ ఎంటర్ టైనర్ వచ్చే యేడాది సంక్రాంతి కానుకగా ప్రేక్షకుల ముందుకు రానుంది.

2020 సంక్రాంతి పోరులో మహేష్‌బాబు ‘సరిలేరు నీకెవ్వరు’, అల్లు అర్జున్‌ ‘అల వైకుంఠపురములో’ ఉన్నాయి. సూఫర్ స్టార్ రజనీకాంత్, నటసింహం బాలయ్య సినిమాలు కూడా సంక్రాంతికే వచ్చేలా ఉన్నాయి. ఇప్పుడు కల్యాణ్ రామ్ కూడా సంక్రాంతి రావాలని ఫిక్స్ అయ్యాడు. జులై 31న ‘ఎంత మంచివాడవురా’ చిత్రీకరణ ప్రారంభించాం. తొలి షెడ్యూలు పూర్తయింది. ఈనెల 26 నుంచి సెప్టెంబరు 22 వరకూ రెండో షెడ్యూలు, అక్టోబరులో మూడో షెడ్యూల్‌ పూర్తవుతాయి. సంక్రాంతికి విడుదల చేయాలని నిర్ణయించాం అన్నారు నిర్మాత.

ఈ చిత్రానికి గోపీ సుందర్‌ సంగీతం అందిస్తున్నారు. నరేష్‌, సుహాసిని, తనికెళ్ల భరణి, పవిత్రా లోకేష్‌, రాజీవ్‌ కనకాల, వెన్నెల కిషోర్‌, ప్రవీణ్‌, ప్రభాస్‌ శీను తదితరులు కీలక పాత్రల్లో నటిస్తున్నారు.