తరుణ్ కాదు.. రాజ్ తరుణ్’కు యాక్సిడెంటు ?
హీరో తరుణ్ తృటిలో ప్రమాదం నుంచి బయటపడ్డారు. ఈ ఉదయం ఆయన ప్రయాణిస్తున్న కారు ప్రమాదానికి గురైంది. ఓఆర్ఆర్ నర్సింగ్ సమీపంలో అల్కాపురం వద్ద తరుణ్ కారు అదుపు తప్పి డివైడర్ ని ఢీకొట్టింది. ఈ ప్రమాదంలో తరుణ్ కి ఎలాంటి గాయాలు కాలేదు. ప్రమాదం తర్వాత తరుణ్ వేరే కారులో వెళ్లిపోయినట్టు స్థానికులు తెలిపినట్టు టీవీ ఛానల్స్ న్యూస్ ని ప్రసారం చేశాయి.
ఐతే, తాను బాగానే ఉన్నా. ప్రస్తుతం ఇంట్లోనే ఉన్నా. తనకు ఎలాంటి ప్రమాదం జరగలేదు. ప్రమాదానికి గురైందని చూపిస్తున్న కారు అసలు తనది కానే కాదని తరుణ్ క్లారిటీ ఇచ్చారు. ఈ నేపథ్యంలో ఆ కారు కుర్ర హీరో రాజ్ తరుణ్ ది అయి ఉంటుందని చెబుతున్నారు. ఇద్దరు పేర్లు ఒకేలా ఉండటంతో రాజ్ తరుణ్ ని తరుణ్ ని భావించి ఉంటారు స్థానికులు.
ఈ ప్రమాదంలో రాజ్ తరుణ్ కి ఎలాంటి గాయాలు కాలేదు. ప్రమాదం జరిగిన వెంటనే రాజ్ తరుణ్ వేరే కారులో వెళ్లిపోయినట్టు తెలుస్తోంది. ఐతే, ఈ ప్రమాదంపై ఇంత రచ్చ జరుగుతున్న రాజ్ తరుణ్ స్పందించకపోవడం గమనార్హం. కారుని కూడా అక్కడే వదిలివెళ్లిపోవడంపై పలు అనుమానాలు వ్యక్తం అవుతున్నారు. ప్రస్తుతం పోలీసులు ప్రమాదానికి గురైన ఆ కారు ఎవరిది అని కనిపెట్టే పనిలో ఉన్నారు. అది రాజ్ తరుణ్ దేనని దాదాపు ఖరారైనట్టు తెలుస్తోంది. ప్రస్తుతం రాజ్ తరుణ్ ‘ఇద్దరి లోకం ఒకటే’ అనే సినిమాలో నటిస్తున్నారు.
