నయన్.. మెగాస్టార్ కోసం కూడా రాలేదుగా.. !!

స్టార్ హీరోయిన్ నయనతార లెక్కలు వేరు. ఆమె సినిమా షూటింగ్ లో మాత్రమే పాల్గొంటుంది. ప్రమోషన్స్ కి రాదు. ఈ మేరకు ముందే కండీషన్స్ పెడుతుందట నయన్. ‘సైరా’ విషయంలోనూ ఇలాంటి కండిషన్స్ నే పెట్టినట్టుంది. మంగళవారం ముంబైలో జరిగిన సైరా టీజర్ లాంచ్ కార్యక్రమంలో నయన్ కనిపించలేదు. అసలు ఆ పాత్ర గురించి ఎవరు మాట్లాడలేదు. మీడియా కూడా నయన్ పాత్ర ఏంటీ ? ఆమె ఎందుకు రాలేదు ?? అనే ప్రశ్నలు వేయలేదు. బహుశా.. నయన్ తీరు తెలిసి మీడియా కూడా లైట్ తీసుకొన్నట్టుంది.

ముంబైలో సైరా టీజర్ రిలీజ్ లాంచ్ ని కార్యక్రమానికి మెగాస్టార్ చిరంజీవి, పాటు రామ్ చరణ్, సుధీప్, విజయ్ సేతుపతి, తమన్నా, అమిత్ త్రివేది తదుపరులు హాజరయ్యారు. సినిమా విశేషాలని బాలీవుడ్ మీడియాతో పంచుకొన్నారు. భారతీయులంతా ఉయ్యాలవాడ నరసింహారెడ్డి చరిత్ర గురించి తెలుసుకోవాలి అన్నారు చిరు. ఇక ఈ వేడుకి బాలీవుడ్ మెగాస్టార్ అమితాబ్ బచ్చన్ రాకపోవడంతో కాస్త లోటు కనిపించింది. అనారోగ్య సమస్యలతోనే బిగ్ బీ రాలేదని తెలుస్తోంది. ఇక, సైరా బాలీవుడ్ ప్రమోషన్స్ కి నయనతార రాకపోయినా పర్వాలేదు. కానీ, సైరా తమిళ్ ప్రమోషన్స్ కి ఆమె రావడం ఎంతో అవసరమని చెబుతున్నారు.

సురేందర్ రెడ్డి దర్శకత్వంలో ‘సైరా’ తెరకెక్కింది. తొలితరం స్వాత్రంత్య్ర సమరయోధుడు ఉయ్యాలవాడ నరసింహారెడ్డి జీవితకథ ఆధారంగా తెరకెక్కిన చిత్రమిది. ఉయ్యాలవాడ నరసింహారెడ్డిగా చిరు, ఆయన గురువు పాత్రలో బిగ్ బీ అమితాబ్ నటించారు. నయనతార, తమన్నా, అనుష్క, విజయ్ సేతుపతి, కిచ్చ సుధీప్, జగపతి బాబు తదితరులు కీలక పాత్రలో నటించారు. అక్టోబర్ 2న సైరా ప్రేక్షకుల ముందుకు రానుంది.