ఛత్తీస్‌గఢ్‌లో ఎన్‌కౌంటర్‌.. 5గురు నక్సల్స్‌ హతం !
ఛత్తీస్‌గఢ్‌లోని నారాయణ్‌పూర్‌ జిల్లా అబుజ్‌మాఢ్‌ ప్రాంతంలో భద్రతాసిబ్బంది, మావోయిస్టులకు మధ్య ఎదురుకాల్పులు చోటుచేసుకున్నాయి. ఈ ఎన్‌కౌంటర్‌లో ఐదుగురు నక్సల్స్‌ హతమయ్యారు. ఓర్కా-గుమ్రాకా అటవీ ప్రాంతంలో మావోయిస్టులు దాగి ఉన్నట్లు సమాచారం రావడంతో డీఆర్‌జీ బలగాలు అక్కడకు వెళ్లి తనిఖీలు చేపట్టాయి.
ఈ క్రమంలో భద్రతాసిబ్బందిపైకి నక్సల్స్‌ కాల్పులకు పాల్పడ్డారు. దీంతో ఎదురుకాల్పులు జరిపిన సిబ్బంది ఐదుగురు మావోయిస్టులను హతమార్చారు. ఎన్‌కౌంటర్‌లో ఇద్దరు భద్రతాసిబ్బందికి గాయాలయ్యాయి. ఘటనాస్థలంలో పెద్ద ఎత్తున ఆయుధాలను గుర్తించినట్లు తెలుస్తోంది.
